Izohli lugʻat
· yana 6 ta lugʻatda
ot Ogʻiz boʻshligʻining yuqori devori; qattiq va yumshoq tanglaydan iborat boʻlib, ogʻiz boʻshligʻini burun boʻshligʻidan ajratib turadi.
Qattiq tanglay. Yumshoq tanglay. Tilni tanglayga tegizmoq.
Sekin shaftolining poʻstini archsang, ogʻzingga solib, tiling bilan tanglayingga bossang-u, suvini qult-qult yutsang. — A. Qahhor, Koʻk konvert
- Tanglayi taqillab ketdi yoki tanglayi quridi Ortiq suvsab, tomogʻi qaqrab ketdi. [Qudratning] Lablari qovjiragan, tanglayi qurigan, ranglari oʻchgan edi. — Z. Fatxullin, Soʻnmas yulduz
- Tanglayini koʻtarmoq (yoki bosmoq)
- Tanglayini... bilan koʻtargan Birikma tarkibidagi “bilan” koʻmakchisi bilan bogʻlangan soʻz anglatgan narsa, gap-soʻz (uni qilish, aytish, qoʻllash) shaxsga yoshlikdan odat ekanligini, yoshlikdan teggan kasal ekanini bildiradi (qoʻndoqda teggan iborasi maʼnosiga yaqin maʼno bildiradi). Uning tanglayini pul bilan koʻtargan.Tanglayini soʻkish bilan koʻtargan (Koʻp soʻkinadigan, soʻkinib gapiradigan shaxsga nisbatan qoʻllanadi).
- Tanglayini taqillatmoq Tanglay bilan til orasidan taqillagan ovoz chiqarmoq (hayrat, inkor va shu kabilar maʼnolar ifodalash uchun). — Hech kimda yoʻqmi-a? — parishon bir holda soʻradi Buviniso. Koʻzlari miltillagan bola, gapirishga madorsizdek, tanglayini taqillatib, bosh chayqadi. — P. Tursun, Oʻqituvchi
- Tili tanglayiga yopishmoq Hayajon, gʻazab, qoʻrquv va shu kabilar sabablar tufayli gapirolmay qolmoq. Mahmudjonni muzdek ter bosdi. Nimadir demoqchi edi, tili tanglayiga yopishdi. — Mushtum