rvsh. 1. ayn. Qaytariq 1.
Matndagi takrorlar.
Kimdir takror boʻlmasin! deb qichqirdi. — A. Qahhor, Asarlar
Ayrim hollarda ana shunday takrorning biri hech qanday funksiyani bajarmaydi, natijada bunday pleonazm tavtologiyaga teng boʻladi. — OʻTA
Biroq Abdurahmon Shum bolaning yangi sharoitdagi qaytarigʻi va takrori emas, u yangi qahramon. — S. Siyoyev, Yorugʻlik
2. Ikkinchi yoki koʻp marta; qayta, qayta-qayta.
Takror aytmoq. Takror ogohlantirmoq. || Loaqal siyosat yuzasidan bir nima jarimaga tortilsalar, istiqbolda bu kabi gʻalayonlar takror bosh koʻtarmagay. — Oybek, Navoiy
Chol takror soʻragach, u javob berdi: — Toshkentda ish topsam, balki qolarman. — Oybek, Tanlangan asarlar
3. tlsh. ayn. Takroriy soʻz.
- Takror boʻlmoq Takrorlanmoq, qaytarilmoq. Har bahor ham shu boʻlar takror, Har bahor ham shunday oʻtadi. — H. Olimjon, Oʻrik gullaganda
- Takror qilmoq Takrorlamoq, qaytarmoq. U, soʻzlarini bilmasa ham, ovozining boricha, butun yuragi, sevinch va quvonchini bagʻishlab, yoqimli ohangni takror qilardi. — Sh. Rashidov, Burondan kuchli