Қидирув

от Катта тажрибага эга бўлиш, малакалилик.

от 1. Муайян мақсад-да амалга ошириладиган, билиш, аниқлаш, синаш ва шу кабиларга қаратилган иш, фаолият.

Тажриба ўтказмоқ. Тажриба натижалари. Тажрибада синаб кўрмоқ.

Тажриба учун ажратилган уч гектар ер тизма тоғлардай бир-бирига уланиб кетган адир этагида эди. — Ж. Абдуллахонов, Орият

Кларк Маҳдининг юрак уришини текшириб кўрди-ю, тажрибани бас қилди. — С. Сиёев, Ёруғлик

2. Амалий ишда, ҳаётда ўзлаштирилган, орттирилган билимлар, малакалар, уқувлар мажмуи.

Ҳаётий тажриба. Педагогик тажриба. Илғорларнинг тажрибасини ўрганмоқ. Тажрибаларни ўртоқлашмоқ.

Бизнинг вазифамиз илмни халқ тажрибаси билан бойитиш ва шу билан бирга халқ тажрибасини илмнинг элагидан ўтказишдир. — А. Қаҳҳор, Қўшчинор чироқлари

Биз илғор машъалларимизнинг тажрибасини оммалаш-тиришимиз керак. — Ф. Мусажонов, Ҳиммат

Шайбонийхон чоршанба куни ҳаёт-мамоти ҳал бўлишини сезиб, бор истеъдодини, бутун тажрибасини ишга сола бошлади. — П. Қодиров, Юлдузли тунлар

3. флс. Обектив дунёни, воқеликни амалий жиҳатдан ҳиссий-эмпирик билиш жараёни; обектив дунё ва ижтимоий амалиёт қонунларининг киши онгидаги инъикоси.

Ҳиссий тажриба. Санъаткорнинг эстетик тажрибаси.

4. Бир масала, ёʻналишда дастлабки тарздаги иш, ҳаракат ва унинг маҳсули.

Ёш ижод-корнинг биринчи тажрибаси.

Ўз ғазалларига ўзи тахмис боғлаш тажрибасини ҳам адабиётимиз тарихида Навоий бошлаб берди. — ЎТА

сфт. Катга тажрибага эга, кўп тажриба, малака орттирган.

Тажрибали ўқитувчи. Тажрибали раҳбар.

Нигора Акрамни тажрибали, билимдон врач деб ҳурмат қиларди. — С. Анорбоев, Оқсой

Дарҳақиқат, пахтани тушуна оладиган, ерни биладиган тажрибали раиссан. — Ш. Рашидов, Бўрондан кучли

от айн. Тажрибакор 2.

Тажрибачи талаба.

сфт. кам қўлл. айн. Тажрибали.

Тажрибадор йилқичилар.

сфт. 1. айн. Тажрибали.

Тажрибакор одамлар.

[Қодир:] Бригадирликка энг яхши, илғор, тажрибакор, ишнинг кўзини биладиган, жонкуяр одамларни сайламоқчимиз. — Уйғун, Навбаҳор

2. Тажриба ўтказувчи, тажриба билан шуғулланувчи.

Лебедев — жаҳон фани тарихида ёруғлик босимини биринчи бўлиб аниқлаган машҳур тажрибакор олим. — Фан ва турмуш