Толковый словарь узбекского языка
· ещё в 7 словарях
ot 1. Yozma ishni, asarni tuzatishlar kiritib yaxshilash, tuzatish.
Maqola tahrirga berildi. Asar tahrirdan chiqdi. Kitob professorning tahriri ostida bosildi.
Toʻplamdagi ayrim maqolalar tahrirga muhtoj. — F. Abdullayev, Ikki xil yordam
2. esk. Yozish, ijod qilish.
“Nuqta lab ustida bejodur, dedim, aydi kulib: Sahv qilmish kotibi qudrat magar tahrirda. — Furqat
Arizani shu majlisda, mulla Abdurahmon huzurida yozilishi muvofiq koʻrilib, mufti tahrirga oʻtirdi. — A. Qodiriy, Mehrobdan chayon
- Tahrir qilmoq Tahrirdan oʻtkazmoq. Zamira oqshomlari Ochil bilan birga ishlashni, u yozgan, tahrir qilgan narsalarni oqqa koʻchirishni tasavvur etib, yuragi gursillab ura boshladi. — P. Qodirov, Uch ildizSaidiy hikoyani bir haftada tamom qilib, Ilhomga koʻrgani bergan edi, ikki kundan soʻng uni Abbosxonning qoʻlida tahrir qilingan holda koʻrdi. — A. Qahhor, Sarob
- Tahrir hayʼati Kitob, jurnal, gazeta va shu kabilarning nashrini tayyorlovchi, unga ilmiy-metodik rahbarlik qiluvchi kishilar guruhi. Lugʻatning tahrir hayʼati aʼzolari.