Қидирув

от кт. Хўрлаш, ҳақорат қилиш, камситиш; ҳақорат.

Ойша холанинг таҳқири ва ёлғизлик алами билан куйиниб турган Майна бармоқ учи билан бетига тушган ёш томчиларини сидириб, ўзида қандайдир енгиб бўлмас бир куч сезди. — Ш. Тошматов, Эрк қуши

Кекса она очлик-муҳтожликда, таҳқир ва тубанликда кун сайин сўлиб, бойнинг бостирма ёнидаги қора ҳужрасида қизининг ўз қўлида жон берди. — А. Мухтор, Опа-сингиллар

сфт. Таҳқир, ҳақорат ифодаловчи, таҳқирловчи;

Таҳқирли кулги. Таҳқирли пичинг.

Мирзакаримбойнинг бундай муомаласи Ёʻлчига таҳқирли бўлса ҳам кутилмаган бир ҳодиса эмас эди. — Ойбек, Танланган асарлар

айн. Таҳқирли.

рвш. Таҳқир мазмунидаги, ҳақорат ифодалайдиган.

Таҳқиромуз гап.

[Америка офицерида]

Ўзининг улуғворлиги, давлати билан кибрланадиган одамлардагина бўладиган таҳқиромуз табассум пайдо бўлди. — Шуҳрат, Шинелли йиллар

Аёл эрига беписанд, таҳқиромуз қаради. — Н. Аминов, Суварак

фл. Таҳқир қилмоқ, хўрламоқ.

шу сохта маълумот асосида тергов бошланиши мени қаттиқ таҳқирламоқда. — О. Ёқубов, Излайман

Толиб ака ҳар қандай андишани йиғиштириб қўйиб, Аҳмадни ҳар қадамда таҳқирлай бошлади. — Ф. Мусажонов, Ҳиммат

фл. Таҳқирламоқ феълининг мажҳул нисбати.