Поиск

sft. Butun tafsilotini oʻz ichiga olgan; mufassal.

Tafsilli javob.

Ahmad Husayn uzoq soʻzladi, dehqonlarning hayotini yorqin, chuqur tafsilli hikoya qildi. — Oybek, Nur qidirib

ot Ish-harakat, voqea-hodisa va shu kabilarning har bir ayrim nuqtasi, mayda-chuyda tafsiloti; shunday tafsilotlarni oʻz ichiga olgan bayon, batafsil izoh.

Hatto kundoshini parishonxotir qilgan bu gap Otabekka qanday taʼsir qilishi koʻp tafsilga muhtoj emas. — A. Qodiriy, Oʻtgan kunlar

Ulardagi har bir obraz, manzara va tafsil bilan qiziqdim. — M. Qoʻshjonov, Diydor

Ayrıntılar. TAFSILOT

sft. Butun tafsilotini oʻz ichiga olgan; batafsil, izohli.

Tafsiliy hikoya.

Yoʻlda menga voqeani tafsiliy ravishda soʻzlab berdilar. — Oydin, Uyaldi shekilli, yerga qaradi

Biz qissamizning hajmi sigʻdirmaganlikdan, Abdurahmonning shahardagi safil hayotiga tafsiliy toʻxtay olmaymiz. — A. Qodiriy, Mehrobdan chayon

ot Ish-harakat, voqea-hodisa va shu kabilarning tafsili, mayda-chuydasi.

Oʻsha jang tafsilotini eslaganimda, barcha quroldosh doʻstlarim koʻz oʻngimda birma-bir gavdalanadi. — T. Rustamov, Mangu jasorat

U Zamirani taniganidan beri, oralaridan nima oʻtgan boʻlsa, hammasi, mayda-chuyda tafsilotlarigacha, xayolida tinmay takrorlanardi. — P. Qodirov, Uch ildiz

ayn. Batafsil.