Поиск

ot 1. Issiqlik manbai yoki qizib turgan narsadan urayotgan issiq, harorat.

Tandirning tafti. Olovning tafti. Gulxan taftida isinmoq.

Kech kirib, havoning tafti qaytdi. — S. Ahmad, Qadrdon dalalar

Moviy osmon tiniq va begʻubor, hali taxtga minmagan quyoshning tafti badanni kuydirmaydi. — F. Musajonov, Himmat

2. Issiqlikdan koʻtarilayotgan bugʻsimon narsa; hovur.

Egatlardan jimir-jimir taft koʻtariladi. Qushlar koʻrinmaydi. — S. Nurov, Narvon

3. koʻchma Shaxs yoki narsaning harorat darajasi holati; temperatura.

Suvning taftini bilgisi keldi shekilli, gʻoʻdir barmoqlarini botirdi. — R. Rahmonov, Vosil aka

Shu tariqa tajriba ham toʻplana bordi, choʻl yerlarining tafti, maromini ham oʻrganib olishdi. — Gazetadan

4. koʻchma Ijobiy taʼsirli, hayotbaxsh harorat, oʻt.

Hovlida odam borki, jon bor. Devordan tortib dov-daraxtgacha oshxonadan tortib donxonagacha, roʻzgʻor buyumlarigacha — bari odam tafti bilan tirik. — R. Fayziy, Hazrati inson

Bu satrlarning taftidan Zuhra begimning qalbiga yana issiqlik yugurdi. — P. Qodirov, Yulduzli tunlar

5. koʻchma Kishi ruhidagi yoqimsiz holat, gʻubor.

Ovqatdan oldin yuvinib chiqasizmi — sovuq suv odamning taftini bosadi. — A. Qahhor, Ayajonlarim

Odam taftini odam oladi, deganlari shu-da, inim. — R. Rahmon, Mehr koʻzda

Diqqati oshib, dili qorongʻi boʻlib ketgan kezlarida chelakni shaftoliga toʻldirib, yotogʻimizga kelib qoladi. Bizni koyib-koyib, taftini yozib ketadi. — S. Ahmad, Onajonlar

6. koʻchma Oʻzini yuqori olish, manmanlik kayfiyati.

Halima oʻsha Oyjamol opa kelib ketgandagi mojarodan keyin ancha taftidan tushgan, oʻzgara boshlagan edi. — J. Abdullaxonov, Gulchehra

ot Ish-harakat, voqea-hodisa va shu kabilarning har bir ayrim nuqtasi, mayda-chuyda tafsiloti; shunday tafsilotlarni oʻz ichiga olgan bayon, batafsil izoh.

Hatto kundoshini parishonxotir qilgan bu gap Otabekka qanday taʼsir qilishi koʻp tafsilga muhtoj emas. — A. Qodiriy, Oʻtgan kunlar

Ulardagi har bir obraz, manzara va tafsil bilan qiziqdim. — M. Qoʻshjonov, Diydor

ot 1. kt. Biror gap, voqea-hodisa, matn va shu kabilarga berilgan mukammal izoh, sharh, tushuntirish.

Qurʼonning tafsiri. Muammoning tafsiri. Tafsir qilmoq.

2. tar. Qurʼonning madrasalarda alohida fan sifatida oʻrganiladigan mufassal sharhi.

Ahmadxoʻja oʻz xatida Madrasayi oliyada tafsir, hadis, ilmi kimyo kabi turli ilmlar oʻqitilishini yozgan edi. — M. Muhammadjonov, Turmush urinishlari

ot Narsa, hodisa va shu kabilar orasidagi nooʻxshashlik, farq, ayirma.

Aqliy mehnat bilan jismoniy mehnat oʻrtasidagi tafovut.

Navozim va xizmatimizdagi tafovut: men — shtab boshligʻi, Narzi — oddiy askar, pulemyotchi. — N. Safarov, Olovli izlar

Nafisa uning andazasiga sal ham toʻgʻri kelmas edi: tafovut fil bilan qumursqacha! — Shuhrat, Jannat qidirganlar

ot 1. esk. Boʻlib oʻtgan ish, hodisa va shu kabilar yuzasidan yoki haqiqiy ahvolni aniqlash maqsadida oʻtkaziladigan tekshiruv, tergov, soʻroq, reviziya.

Rejali yillik taftish. Taftish komissiyasi.

[Navoiy:] Taftishlar shuni koʻrsatadiki, Yodgorbek qoʻzgʻolonida bu odamning ham qoʻli boʻlgan. Uygʻun va I. — Sulton, Alisher Navoiy

Oʻgʻlingiz sizdan yashirib, Hamza hojining bedin maktabiga qatnarmish deb eshitaman, shu rostmi? — Taftish qildim, taqsir, qatnar ekan. — K. Yashin, Hamza

2. esk. Qidiruv, tintuv.

Oʻgʻrilar tutil-sin, dorga osilsin! Har bir xonadon taftish qilinsin. — J. Sharipov, Xorazm

3. Biror muassasa yoki mansabdor shaxsning moliyaviy-xoʻjalik faoliyatining toʻgʻriligi, qonuniyligini aniqlash maqsadidagi tekshiruv.

Birinchi taftish yuzaki oʻtkazilgani haqida eʼtirozlar tugʻilgach, respublika agrosanoat komitetidan mutaxassis chaqirishdi. — Mushtum

ot 1. Obyektiv voqelikning tasavvur, tushuncha va muhokamadagi faol inʼikos jarayoni, insonning fikrlash qobiliyati; fikrlash.

Til tafakkur bilan bevosita bogʻliqdir.

Insoniyat yuksak xayolot va tafakkur kuchi bilan yaratgan barcha maʼnaviy-badiiy boyliklar orasida ogʻzaki ijod namunalari alohida ajralib turadi. — Fan va turmush

2. Oʻylash, fikr yuritish, muhokama; oʻy.

Bir soatlik tafakkur bir yillik toatdan afzal. — Oybek, Navoiy

Ki har ishniki qildi odamizot, Tafakkur birla bildi odamizot. — Alisher Navoiy

Oraga uzoq, vazmin xomushlik tushdi. Malika bir nuqtaga tikilib, tafakkurga choʻkdi. — T. Jalolov, Oltin qafas