Толковый словарь узбекского языка
· ещё в 6 словарях
ot Oʻtgan xato yoki gunohga loyiq dakki, dashnom, tanbeh.
[Maysara:] Oʻgʻlim, shu taʼzir oz emas. Hovli yuziga chiqargandan keyin qasam berib boʻshatursiz. — Hamza, Maysaraning ishi
- Taʼzir bermoq Aybi yoki xatosini aytib qizartirmoq, uyaltirmoq, koyimoq, dashnom bermoq. Menga shuncha yaxshilik qildingiz Yangi kelgan vaqtingizda meni yomon yoʻldan qaytardingiz Butun zveno oldida taʼzir berib, odam boʻl, dedingiz. — A. Qahhor, Qoʻshchi-nor chiroqlari
- Taʼzirini bermoq Adabini bermoq, tavbasiga tayantirmoq. U muttahamning taʼzirini oʻsha yerning oʻzidayoq berib qoʻygan boʻlardim, bunchalik uyatga qolmasdim. — F. Nasriddinov, Tundagi voqea
- Taʼzirini yemoq Jazosini tortmoq, adabini yemoq, tavbasiga tayanmoq. — Keldingmi, daydi? — dedi-yu, uning bosh egib turishidan: Taʼziringni yebsan, yetar, dedi ichida. — Y. Shamsharov, Qaxramonlik yoʻli