ot 1. Tashqi omillarning kishi yoki narsa holatini oʻzgar-tirish, qoʻzgʻash xususiyati va uning natijasi.
Taʼsir va aks taʼsir. Oʻzaro taʼsir. Dorining taʼsiri. Issiqlikning taʼsiri. Oʻqituvchining bolalarga taʼsiri. Taʼsir kuchi. Ijobiy taʼsir koʻrsatmoq.
Soʻnggi kunlarda Navoiydan kelgan xatning taʼsirida /organ Bobur Hirotdan gap ochdi. — P. Qodirov, Yulduzli tunlar
Kuni boʻyi bir stakan aroq yoki vinoning taʼsirida yuradi. — E. Raimov, Ajab qishloq
Yerda tunov kuni yoqqan yomgʻirning taʼsiri bor. Jangchilarning yurishini ogʻirlashtiradi. — Shuhrat, Shinelli yillar
2. Obroʻ, nufuz, eʼtibor.
Buxoro jadidlari orasida usmonli turklarning va tatar boyvachchalarining taʼsiri katta edi. — S. Ayniy, Doxunda
- Taʼsir qilmoq (yoki etmoq) Taʼsiri yuzaga chiqmoq, sezilmoq; taʼsir bildirmoq, oʻtkazmoq. Boʻlib oʻtgan gap Tolib akaga yomon taʼsir qildi. — F. Musajonov, HimmatMeni afsun bilan ham rom qilib boʻlmaydi, menga zahar ham taʼsir qilmaydi, gap ham! — Mirmuhsin, MeʼmorSanobar oʻz soʻzlarining Alijonga qanday taʼsir etganligini bilish uchun uning yuziga sinchkov nazar tashladi. — M. Xayrullayev, Koʻngil