Қидирув

от 1. Ташқи омилларнинг киши ёки нарса ҳолатини ўзгар-тириш, қўзғаш хусусияти ва унинг натижаси.

Таъсир ва акс таъсир. Ўзаро таъсир. Дорининг таъсири. Иссиқликнинг таъсири. Ўқитувчининг болаларга таъсири. Таъсир кучи. Ижобий таъсир кўрсатмоқ.

Сўнгги кунларда Навоийдан келган хатнинг таъсирида /орган Бобур Ҳиротдан гап очди. — П. Қодиров, Юлдузли тунлар

Куни бўйи бир стакан ароқ ёки винонинг таъсирида юради. — Э. Раимов, Ажаб қишлоқ

Ерда тунов куни ёққан ёмғирнинг таъсири бор. Жангчиларнинг юришини оғирлаштиради. — Шуҳрат, Шинелли йиллар

2. Обрў, нуфуз, эътибор.

Бухоро жадидлари орасида усмонли туркларнинг ва татар бойваччаларининг таъсири катта эди. — С. Айний, Дохунда

сфт. 1. Таъсир қила оладиган, таъсир кучига эга.

Энг муҳими, фактларни қуруқ қайд қилмай, уларни бадиий таъсирли ифодалашдадир. — Н. Сафаров, Жасоратнинг давоми

Ногоҳ жимжит ва қизғин ҳавони янгратиб, ҳофизнинг таъсирли овози кўтарилди. — Ойбек, Танланган асарлар

2. Обрўли, эътиборли, нуфузли.

Таъсирли доиралар.

от Таъсир; таъсирлар.

У организмни ташқи муҳитнинг ҳар хил таъсиротларидан сақлайди. — Анатомия

сфт. 1. Таъсири ёʻқ, таъсир кучига эга эмас, кор қилмайдиган, кучсиз, заиф.

Таъсирсиз гап.

Осмонни қизғиш кулранг туман қоплаб, куннинг юзини ғира-шира ва таъсирсиз қилиб қўйди. — П. Турсун, Ўқитувчи

2. Обрўси, эътибори, нуфузи ёʻқ.

Таъсирсиз одам.

сфт. Яхши таъсир этиш кучига эга, таъсир этиш кучи юқори даражали; таъсирга тез, кучли бериладиган.

Қуёнлар ўзининг биологик хусусиятларига кўра, ташқи шароит омилларига ўта таъсирчан бўлади. — Фан ва турмуш

Ҳар бир сўзни ўзига хос оҳангда, таъсирчан қилиб гапира оладиган бу кишининг ҳозирги нутқи салобат билан таъсирчан жаранглади. — И. Раҳим, Чин муҳаббат

фл. Тасир-тусур товуш чиқармоқ.

Узоқдан замбараклар ҳайқириғи, снарядларнинг портлаши эшитилмоқда. Аллақаерда пулемётлар тасирламоқда. — И. Раҳим, Чин муҳаббат