Qidiruv

fl. 1. 1 Yaxshi koʻrmoq, sevmoq.

Haq suygan ishni xalq suyar. — Maqol

Suluv — suluv emas, Suygan — suluv. — Maqol

2. Erkalamoq, erkalatmoq.

— Meniyam shu maktabda oʻqitasizmi? — Albatta, albatta, — dedi Elmurod qizni suyib. — P. Tursun, Oʻqituvchi

ot 1. Odam va umurtqali hayvonlar skeletining har bir qismi; soʻngak.

Oʻmrov suyagi. Tizza suyagi. Suyak ogʻrigʻi. Fil suyagi.

Suyak butun boʻlsa, et bitib ketar. — Maqol

Boʻrijonning oriq, umurtqa suyaklari boʻrtib, qovurgʻalari sanalib turgan qoʻsh hoʻkizi omochni zoʻrgʻa tortib boryapti. — S. Nurov, Maysalarni ayoz urmaydi

Bobo., umr boʻyi koʻksini bekitmagan, anordek qizgʻish koʻksidagi suyaklar boʻrtib chiqib turardi. Mirmuhsin, Umid. Odam qoni tarkibida, shuningdek, suyagida oʻttizdan ziyod element uchraydi. — Fan va turmush

2. Soʻyilgan molning etli ustuxoni (ov-qat sifatida).

Suyak qaynatmoq. Suyak tozalamoq.

Goʻsht suyaksiz boʻlmas, Sholi — kurmaksiz. — Maqol

Axir sen it emasding-ku, belanib loyga, Bir-biringni gʻajisang to suyak talashib. — A. Oripov, Yillar armoni

3. Etdan tozalangan ustuxon (xomashyo, material sifatida).

Suyak yelimi. Suyak oʻymakorligi. Suyak tugma. Suyak uni.

Suyakka gul chizib, asboblar (parma, arracha, egov va boshqalar) yordamida oʻyib, naqshlar hosil qilinadi hamda jilolanadi. — OʻzME

4. sft. Juda oriq, ozgʻin,

Suyak odam,

Chol seskanib, boshini koʻtardi, yigitni quchoqlab, suyak qoʻllari bilan uning yelkasini siladi. — Oybek, Tanlangan asarlar

5. koʻchma Avlod, nasl; urugʻ.

Sulton suyagini xoʻrlamas. — Maqol

ot Yozilgan holdagi koʻrsatkich barmoq uchi bilan bosh barmoq uchigacha boʻlgan masofaga teng uzunlik oʻlchovi.

Farhod choʻntagidan uch suyam zanjir chiqarib, shahodat barmogʻida aylantirib oʻynay boshadi. — Yoshlik

Mana kurash esdaligi, yaxshi qara: Boʻksasida bir suyamcha yamoq-yara. — F. Gʻulom

sft. 1. Oqish va oʻzi ishgʻol qilib turgan idish shaklini olish xususiyatiga ega boʻlgan.

Suyuq jism. Suyuq modda, Suyuq yoqilgʻi.

Suyuq shisha.

Kimyoviy faol, qattiq, suyuq va gazsimon moddalar bilan reaksiyaga kirishadi. — OʻzME

2. Suvi meʼyoridan ortiq yoki nisbatan koʻp boʻlgan; sersuv.

Ya na bir ketmon urganda, ajriqzordan bilqillab suyuq loy chiqdi-da, keyin kuchli tiniq suv tikka otildi. — I. Rahim, Chin muhabbat

3. Maza, kuch beruvchi tarkibiy qismi meʼyoridan kam yoki nisbatan oz boʻlgan; kuchsiz.

Suyuq sut. Suyuq qatiq. Suyuq eritma.

Haydarboyning koʻrimsiz choynaklaridagi quyuq va suyuq choylari bu yerdagi juda koʻp odamlarning ham, oʻtgan-ketgan yoʻlovchilarning ham chanqovini bosib turadi. — P. Tursun, Oʻqituvchi

4. Unchalik qalin, zich boʻlmagan, hakkam-dukkam, siyrak.

Suyuq tutun.

Oftob hali qor tashlagan suyuq, oqish bulutlar ortidan chiqmagan boʻlsa ham, tushga borib, hamma yoq ilib ketdi. — P. Qodirov, Uch ildiz

5. koʻchma Mazmunan sayoz, siyqa yoki bemaza.

Suyuq gap. Suyuq asar.

— Postanovkang yogʻi olingan sutga oʻxshaydi, suyuq, — deb tanqid qildim. — S. Abduqahhor, Sanamay sakkiz dema

6. koʻchma Fahsh yoʻliga kirgan; buzuq.

Suyuq erkak.

[Umar] Koʻp yurdi, koʻp topdi, topganini sovurdi. Albatta, u pullar suyuq ayollar yoʻliga ketdi. — Sh. Xolmirzayev, Bodom qishda gulladi

sft. ayn. Suyakdor.

Suyakli, boʻychan yigit.