Поиск

sft. 1. Ichida suvi yoʻq.

Suvsiz idish.

2. Tarkibida suvi yoʻq.

Suvsiz kislota.

3. Suv bilan taʼmin etilmagan, suv chiqarilmagan.

Suvsiz yerda tol boʻlmas. — Maqol

Bular suvsiz choʻldan oʻtib, Borayotir yoʻllar tortib. — Malikayi ayyor

Daydi shamol changli, dagʻal yaproqlarni, suvsiz ariq yoqalaridagi kir, sargʻaygan ajriqlarni titkilab, mungli shovulladi. — S. Nurov, Maysalarni ayoz urmaydi

4. Suvi, shirasi kam.

Suvsiz behi.

ot 1. Vodorod bilan kislorodning kimyoviy birikmasidan iborat rangsiz, hidsiz shaffof suyuqlik; tabiatda muz va bugʻ holida ham uchraydi, barcha tirik organizmlarning va koʻpgina moddalarning tarkibiy qismini tashkil qiladi.

Qor suvi. Dengiz suvi. Oqar suv. Turgʻun suv.

Zilol suvlar, eram kabi bogʻ-u boʻstonlar, Mening sovgʻam koshonalar, oltin tuproqlar. — Gʻayratiy

Atmosferada suv bugʻ, tuman, bulut, yomgʻir, qor holatida boʻladi — OʻzME

2. Shunday suyuqlik ichimlik sifatida.

Mineral suvlar.

Sadaqaning afzali chanqoq odamlarga suv ulashmoqdir. — Fan va turmush

Organizmga yod oziq-ovqat va suv bilan kiradi. — Fan va turmush

3. Soy, koʻl, daryo va shu kabilarning suvli sathi haqida.

Suv boʻyi. Suvning narigi beti. Suvning koʻtarilishi.

4. Tarmeva, sabzavot va shu kabilar tarkibidagi shira, sharbat, suyuqlik.

Anor suvi. Sabzining suvi.

Bogʻingda ochilgan qizil gullaring, Uzumning suviday shirin tillaring. — Qoʻshiqlar

5. Tirik organizm va aʼzolardan ajralib chiqadigan suyuqlik, shira.

Oshqozon suvi.

[Yormat] Tumov orqasida burnidan toʻxtovsiz oqqan suvni ham sezmaydi. — Oybek, Tanlangan asarlar

6. Umuman, turli narsalar tarkibidagi namlik.

Suvi qochgan non, olmachoy bilan nonushta qilishayotganda, Gadoyboy paydo boʻldi. — H. Gʻulom, Feruza

7. koʻchma s. t. Maza-matrasi, shirasi yoki jiri yoʻq (meva yoki ovqat haqida).

Qovun qip-qizil suv chiqdi. Bu shoʻrva emas, shildir suv.

8. Kashtachilikda: toʻgʻri yoki toʻlqinsimon chiziq shaklidagi gul elementi.

Suvi oq, guli turli qiyiqcha.

9. esk. Oʻn tanobga teng yer oʻlchov birligi.

Har oʻn tanob yer bir suv hisoblanib, mana shu maydon hisobidan ariq tozalashga bir hasharchi yuborilar edi. — I. Jabborov, Koʻhna xarobalar siri

10. Turli birikmali nomlar tarkibida keladi.

Suv kalamushi, suv echkilari, suv osti kemasi.

ot 1. Suvga tashnalik, chanqashlik.

Ortiq, suvsizlik yurak-bagʻrini oʻr-tab, issiqqa chidamay, yulgʻun tagiga suriladi, boshini soyaga olib, qoʻllarini qumga tiqib, salqin izlaydi. — M. Mansurov, Yombi

Qip-qizil qumda piyoda yurib, ochlikda, suvsizlikda ovora boʻlib, ikkoving ham oʻlasan. — Malikayi ayyor

2. Suv tanqisligi, yetishmasligi.

Milliy matbuot markazida Orol dengizi hamda suvsizlik kabi asosiy masalalarni muhokama qilishdi. — Gazetadan

Hayvan suvaracak yer.HAYVON SUGʻORILADIGAN JOY

sft. 1. Ichida suvi bor.

Suvli idish.

Ortiq oʻrindiq tagidan suvli meshni tortib olib, koʻrinarli yerga qoʻyarkan, bir chekkada garangsib turgan Zulxumorga piching qildi. — M. Mansurov, Yombi

Osmondagi oy boʻlsam, Tiniq suvli soy boʻlsam, Sevgan yorning koʻksinda Kecha-kunduz joy boʻlsam. — Qoʻshiqlar

2. Tarkibida suvi boʻlgan.

Suvli eritma.

3. Suvi, shirasi koʻp, sersuv, sershira.

Suvli shaftoli. Suvli mevalar.

4. Suv bilan taʼmin etilgan, suv bor boʻlgan.

Suvli yerlar.

Oʻtli, suvli yaylovimning yoʻli olis, Oʻlan boʻlsa, aytishaylik bizlar xolis. — Qoʻshiqlar

ot Suvash va uning natijasida hosil boʻlgan qatlam.

Loy suvoq. Somon suvoq. Suvoq qilmoq.

Chetroqda, qari tol ostida, suvoqlari koʻchib yotgan baland loy supa. — Yoshlik

Toʻkildi devordan suvoq, Gʻijillaydi saharda eshik. — X. Davron, Bolalikning ovozi