Қидирув

от 1. Ҳовли, боғ ва умуман очиқ ерда ўтириш, ётиш-туриш учун тупроқдан чорбурчак шаклида кўтариб қурилган жой.

Баланд супа. Супа қурмоқ. Супага жой қилмоқ.

— Уйга кириб ўтирмайлик, супага жой қилиб қўя қолинг, девкор, — деди кўринишидан оғзи катталиги ҳам билинмайдиган меҳмон дўрилдоқ товушда. — Ёшлик

Ҳовуз атрофидаги супа дид билан безатилган. — Гулдаста

2. Умуман, чорбурчак шаклидаги, ердан баланд жой ёки қурилма.

Ҳайкал ўрнатилган супа.

от 1. Кичкина супа.

Супачада ухлар эркак ва аёл, Ёғоч бешик ўрталарида. — М. Юсуф, Уйқудаги қиз

Тоғасиникига келган куни кечқурун боғдаги супачада ётар, қушларнинг сайрашига қулоқ соларди. — М. Осим, Карвон ёʻлларида

2. Супа шаклидаги кичикроқ, ердан баланд жой ёки қурилма.

Ҳайкал супачаси.

от геогр. Усти супага ўхшаш текис, ёнлари тик тоғ.