fl. 1. Oʻrnashgan joyidan kuch bilan tortib chiqarmoq.
Ildiz sugʻurmoq. Ombur bilan mix sugʻurmoq.
Tushida qora matoga oʻralgan kishi uning [cholning] sogʻ qolgan yagona jagʻ tishini sugʻurib olayotgan emish. — Yoshlik
Xolmatjon suvsizlikdan qorayib ketgan bir tup niholni sugʻurib olmoqchi edi — S. Ahmad, Ufq
Qassob qiyma kabobni sixdan sugʻurib olib, sabzidek tish-lab yerdi. — N. Aminov, Qahqaha
2. Tiqilgan, botgan joyidan chiqarib olmoq.
Moʻytanning keksa baliqchisi chorigʻini loydan zoʻrgʻa sugʻurib, qora tutun ichiga kirib ketdi. — A. Muxtor, Qoraqalpoq qissasi
3. Koʻchma Biror yerdan, toʻdadan, muhitdan ajratib, uzib olib ketmoq.
Popukday qizni issiq uyasidan sugʻurib, olib keldim. — Oybek, Ulugʻ yoʻl
4. Solib qoʻyilgan, joylangan yeridan chiqarmoq, chiqarib olmoq.
— Bermayman degin, hali shunaqami? — aravakash qaltirab turgan qoʻllari bilan paypaslanib, yonidan pichogʻini sugʻurdi. — X. Toʻxtaboyev, Yillar va yoʻllar
U qilichini gʻilofidan sugʻurib, osmonda yarqiratdi. — Mirmuhsin, Temur Malik
5. koʻchma Soʻrib, tortib olmoq; olib qoʻymoq.
Bezgakni hazil fahmlama. Kishi kuchini sugʻurib, shalpaytiradi. — Oybek, Oltin vodiydan shabadalar
6. Chiqarib yubormoq, tarqatmoq, yozmoq.
Uning badanidan ona tuproq intizorligi, jang-jadal suronlari hordigʻini sugʻurib olayotganday boʻldi. Shuhrat, — Shinelli yillar
- Xamirdan qil sugʻurganday Uzoq yillar mobaynida toʻplanib qolgan ortiqcha kunlar, xamirdan qil sugʻurganday, osongina yoʻqotildi. — Fan va turmush
- Jonni (yoki yurakni) sugʻurib olmoq Qattiq ruhiy yoki jismoniy azob bermoq, oʻlguday qiynamoq, jonini olmoq. Otasi endi Togʻayni tavbasiga tayantirmaguncha, bobosini taʼrif va tavsif etaverib, jonini sugʻurib oldi — Yoshlik
- Tag-tomiri bilan sugʻurib tashlamoq 1. Butunlay yulib tashlamoq;
- Tilingni sugʻurib olaman Doʻq-poʻpisa iborasi. Ayo kofir, bilib soʻzla soʻzingni, Tillaring sugʻurib, oʻyay koʻzingni. — Malikayi ayyor
- Yurakdan (yoki koʻngildan, miyadan, xayoldan) sugʻurib olmoq Dildan chiqarib tashlamoq, batamom unutmoq. [Tuygʻunoy:] Bari bir, uning [Rahimovning] nomini yuragimdan sugʻurib tashlay olmaysiz. — B. Rahmonov, Oltin odamlar