фл. 1. Экин майдонларини, ўсимликларни сув билан таъминламоқ, сув қўймоқ.
Экин суғормоқ. Ғўзаларни суғормоқ. Йиғлаб-йиғлаб марза олсанг, кулиб-кулиб суғорасан. — Мақол
Эшикка ярим бўйра эни ўсма эккан бўлсалар, шуни ҳам обкашда сув ташиб суғоришган. — С. Аҳмад, Уфқ
2. Сув бермоқ, сув ичирмоқ.
Қўйларни суғормоқ. Туяни чўмич билан суғориб бўлмас. — Мақол
Тоштемир қудуқдан бир неча марта сув чиқариб, отларни суғорди, охурларга беда солди. — Ҳ. Ғулом, Феруза
3. кўчма (билан сўзи иштирокида) Сингдирмоқ.
Меҳр, ғамхўрлик билан суғорилган тарбия, албатта, ўз самарасини беради. — Газетадан
4. тех. Тобламоқ.
Пўлатни суғормоқ.