сфт. 1. Яхши, тузук, дуруст, қулай.
Оз сўз — соз сўз. — Мақол
Иш қуролинг соз бўлса, машаққатинг оз бўлар. — Мақол
Наманган бораман, создир ҳавоси, Мевалари ширин, дарднинг давоси. — С. Абдулла
Бу гулшан соз эди, соз устига соз этгали келдик. Қадрдонларни шод айлаб, сарафроз этгали келдик. — Ҳабибий, Танланган асарлар
2. Ўзаро яхши муносабат, муомала; ҳамжиҳатлик, иноқлик, иттифоқлик.
Қариндошлар билан созингиз чиқмас эмиш. — Н Норқобилов, Бекатдаги оқ уйча
3. мус. Созланган, сози тўғриланган.
Дутор ҳали соз эмас.
4. Мусиқа асбоби торларининг ёки мусиқа асбобларининг ўзаро мос товуш уйғунлиги.
Роялнинг сози бузилибди. Созини тўғриламоқ.
- Соз тупроқ Механик таркибига кўра энг оғир тупроқ тури. Ағдарма машиналар ёʻл очилаётган жойга соз тупроқ ташиб келтирмоқдалар. — Газетадан
- Соз(и) келмоқ Гапи, феъл-атвори мос келмоқ. [Зиёдулла:] Сафар ака, биласиз, бизнинг Тарлоннинг тўриғингиз билан сози келмайди. Вақтини топдими, жиққамушт бўлади. — Т. Мурод, От кишнаган оқшомҲангомаси соз келмасми, Ҳар кимнинг тенгқури бўлса. — Оқ олма, қизил олма