«соябонли» бўйича 13 та натижа: Изоҳли
сфт. Соябони бўлган, соябон тутилган.
Соябонли киши. Соябонли арава. Кафенинг ранг-баранг соябонли столлари.
Ичмайдиган, чекмайдиган одам, ранги тоза, руҳи тетик, кенг соябонли шляпасини бошидан олганида, офтоб урмаган манглайига қоп-қора сочлари ёйилиб тушди. — А. Мухтор, Кумуш тола
от 1. айн. Зонтик.
Шойи соябон. Соябон тутмоқ.
Бўронбек чарм шапкали бошини соябон тагига яширди. — Ҳ. Ғулом, Машъал
Нариги хонада дарс тайёрлаб ўтирган неварасига, соябон тутиб, кўчадан тезда адасини чақириб келишни айтди. — Мирмуҳсин, Умид
2. с. т. Шляпа, шапка ва шу кабиларнинг соя берувчи қисми.
Шапканинг соябони.
Бежиримгина тилла гардишли кўзойнаги-ю сер-бар похол соябони ўзига бирам ярашган Валентина ҳорғин жилмайди. — М. Мансуров, Ёмби
Рўпарасида шляпанинг кенг соябони тагидан Хуморхоннинг кўзлари ёниб турарди. — А. Мухтор, Туғилиш
3. Умуман, қуёш нуридан ёки ёмғирдан сақловчи ҳар қандай қурилма, пана.
Автобус стансияларига соябонлар қурилмоқда.
Қуёш тиккага келиб, аёвсиз қиздираётгани учун, ҳар ер-ҳар ерда соябонлар тикилган. — Н. Аминов, Ёлғончи фаришталар
Шундай гаштли кунлардан бирида практикантлар, бошларида соябон, тепа устида давра қурганча, орқаларини офтобга тоблаб, карта ўйнаб ўтиришар эди. — М. Мансуров, Ёмби
4. кўчма Паноҳ, ҳомийлик, хайрихоҳлик.
Тоғлар боши хиёбон. Бир худойим соябон. — Нурали
Қон йиғлайсиз бу кун онам меҳрибон, Отам экан ҳаммамизга соябон. — Зулфизар билан Авазхон
от Оталиқ қилиш, паноҳ бериш.
от Ўсимликлар оиласи.
автофургон Соябонли автомобил.
кепка Эркакларнинг гардишсиз, олди соябонли юмшоқ бош кийими. Илҳомжон жаҳл билан кепкасини бостириб олди. Н. Аминов, Ёлғончи фаришталар
шляпа Атрофи соябонли бош кийим. Похол шляпа. Аёллар шляпаси. Рўпарасида шляпанинг кенг соябони тагидан Хуморхоннинг кўзлари ёниб турарди. А. Мухтор, Туғи
маофа тар. Отга ўрнатиладиган, одам ўтирадиган, соябонли бир хил кажава. Унинг [Навоийнинг] аҳволи оғирлашади. Юришга мажоли қолмай, йиқилади. Навоийни маофага сол
фургон эск. Думалоқ соябонли, от қўшиладиган арава. Юк ва ёʻловчи ташиш автотранспортининг усти ёпиқ кузови. Кечга яқин идоранинг^қизил фургон Москвичида уйиг
қимизхўр Қимизни кўп ичадиган, қимизни яхши кўрадиган. Қимизхўр одам. Чипта соябонли извош тагида бош остига тўқим қўйиб ётган йилқичилар оқ уйдаги қимизхо
