от 1. мат. Нарсаларнинг қанчалигини, саноғини, ададини ҳисоблаш учун хизмат қиладиган восита; математик тушунча.
Бутун сонлар. Каср сонлар. Сонлар нисбати. Сонлар назарияси.
Сон тушунчасининг ривожланишига ўрта аср математиклари ҳам катта ҳисса қўшдилар. — Ўзме
2. с. т. Рақам.
Бир сони. Йигирма беш сони.
3. Миқдор, саноқ; адад.
Келаётган аёлларнинг сони ёʻқ. — Ойбек, Танланган асарлар
Сўнгги сирк, йил мобайнида республикамизда илмий ходимларнинг умумий сони 103 марта., кўпайди. — Фан ва турмуш
4. Номер; тартиб номери.
Иккинчи сон ўрта мактаб.
Мулла Насриддиннинг у сонини очиқ эслай олмасам ҳам, кўрганлигим хотирамда равшан бор. — А. Қодирий, Кичик асарлар
5. тлш. Предметларнинг миқдорини, сон-саноғини ва саноқ жиҳатидан тартибини билдирувчи сўз туркуми.
Саноқ сонлар. Тартиб сонлар. Чама сонлар.
- Сон мингта Жуда ҳам кўп, неча-неча мингта. Ёшуллини, марҳума Қурбоной қизимизни мақтаганлар сон мингта. Уларни сўяйлик, менинг ўзимни мақтаганлар-чи? — М. М. Дўст, Лолазор
- Сони бор, салмоғи ёʻқ
- Сон кирди (ёки тегди) Дуруст бўлиб қолди, тузалди. Унга ҳеч сон тегмайди.[Қўчқорнинг] Қўполликлари ҳам ёʻқолиб боряпти. Кийим-бошига сон кириб солди. — А. Ёқубов, Ш. Шодиев, Топилган қиз
- Сонга қўшилмоқ (ёки кирмоқ) 1. Ҳисобга, қаторга кирмоқ. Кимгаки бўлмаса ақл-у билим ёр, Қўшма уни одам сонига зинҳор. — Фан ва турмушСонсиз хотиннинг уйи сонга кирмас. — Мақол[Ошно:] Бу ерлар ҳам сонга киради, яшилдан либос кияди, боғ-у бўстонга айланади — М. М. Дўст, Лолазор
- Сондан чиқмоқ 1. Ҳисобдан, қатордан, одамгарчиликдан чиқмоқ. — Ҳадеб уйда ўтиравериш ҳам одамни сондан чиқаради, — деди кампир Санамга. — Ш. Холмирзаев, ТўлқинларУруш ҳаммани сондан чиқарди. — Ёшлик