sft. 1. Oxirgi, oxiridagi.
Soʻnggi yil. Soʻnggi sahifa. Soʻnggi pushaymon —oʻzingga dushman. — Maqol
Otam soʻnggi yerini uch tilloga sotgan mahalda men 10—11 yoshlarda edim. — Fan va turmush
Nimaiki yozma kasalxonada, U soʻnggi ishingdek tuyulaverar. — A. Oripov, Yillar armoni
Zargarov mezbonning soʻnggi soʻzlarini eslab jilmaydi. — A. Muxtor, Asarlar
Oxunboboyev, uni xijolat qilmaslik uchun, Norin suvi quyilishi kerak boʻlgan kanalning soʻnggi uchastkasini koʻrgani Qoradaryo boʻyiga tushib ketdi. — S. Ahmad, Ufq
Soʻnggi vaqtlarda igna bilan davolash usuliga qiziqish ortib bormoqda. — Fan va turmush
2. Maʼlum ish yoki maʼlum paytdan keyingi, keyin boʻlgan yoki boʻladigan.
Soʻnggi qirq yil mobaynida respublikamizda ilmiy xodimlarning umumiy soni 103 marta., koʻpaydi. — Fan va turmush
Soʻnggi vaqtlarda shaharda ijobiy siljishlar koʻzga tashlanayotganligini qayd etib oʻtish lozim. — Gazetadan
[Otabek] Homidning bundan soʻnggi rejalarini oʻrganishga va shunga qarab kurash boshlashga qaror bergan edi. — A. Qodiriy, Oʻtgan kunlar