Қидирув

от 1. тар. Собиқ Иттифоқда: совет рублининг ўзбекча номи; рубл.

Бир сўм. Уч сўм.

Проводник бир даста кулранг чойшаб, боғичи узилган ёстиқ жилдлар олиб келди, жувон билан Нусратбек бир сўмдан тўлаб олишди. — С. Нуров, Майсаларни аёз урмайди

Мен ғишт кукуни қўшилган гуручни девзира деб, килосини тўрт сўмдан сотаман. — С. Аҳмад, Юлдуз

2. Ўзбекистон Республикасининг асосий пул бирлиги (1994 йил 1 июлдан).

Икки юз сўм. Минг сўм.

Сўмнинг муомалага киритилиши Ўзбекистон пул муомаласи ва ҳисоб-китоблар тизимини ташкил этиш ҳамда республика иқтисодиётини ривожлантиришда муҳим аҳамиятга эга бўлди. — Ўзме

сфт. 1. Эшитувчи, тингловчи.

Кўпинча Абу Убайд Китоб уш-шифо дан бир бобни ўқир, унга диққат билан қулоқ солиб ўтирган сомелар, тушунмаган ерларини сўрар эдилар. — М. Осим, Карвон ёʻлларида

Хотира йиғлатар найга айланиб, Сел бўлиб тин олар соме Регистон. — А. Исроилов, Биз — дунё одамлари

Севаргул ўйчанлик билан чўнқайиб, тиловатга соме ўтираркан, тағин беихтиёр таажжубланди. — Н. Қиличев, Чиғириқ

2. дин. Қуръон ўқиётган қори янглишганда ёки унутиб тўхтаб қолганда луқма солиб турувчи иккинчи қори.

сфт. Шимолий ва Шарқий Африкада, шунингдек, Олд Осиёда яшаган ва сом тиллари оиласига кирадиган тилларда сўзлашган қадимий (аморийлар, финикийлар, оссурийлар, оромийлар, сурёнийлар ва бошқалар) ва сўзлашувчи ҳозирги (араблар, амхарлар, Исроил яҳудийлари, сурияликлар) халқлар.

Фандаги маълумотларга кўра, сомийларнинг аждодлари қадимда Саҳройи Кабирнинг шимолида яшаган деб тахмин қилинади. — Ўзме

сфт. с. т. айн. Сўмлик.

от Буғдой, арпа, шоли янчилганда, пояларининг эзилиб майдаланишидан ҳосил бўладиган, маҳаллий бинокорликда ва ем-хашак сифатида ишлатиладиган маҳсулот.

Майда сомон. Йирик сомон. Молларга сомон бермоқ. Узоқнинг буғдойидан яқиннинг сомони афзал. — Мақол

У ярим ойдан бери пичан тайёрлаш, беда ўриш, сомон ҳозирлаш билан банд. — И. Раҳим, Ҳаёт булоқлари

от Ёйилган хамирга гўшт, қовоқ ва шу кабилар солиб тугиб, одатда тандирга ёпиб, шунингдек, газ духовкаларида ҳам пишириладиган егулик.

Гўшт сомса. Қовоқ сомса. Исмалоқ сомса. Сомса ёпмоқ.

Сут-қаймоққа ёʻғрилган жимжимадор патир кулчалар, ҳали совимаган тандир сомсалар ҳаммаси фаросат, дид билан қўйилган. — С. Анорбоев, Оқсой

Ошхона деразаси ёнида туриб, сомса ясаётган уйғур йигит ҳам гўзал қиздан нигоҳини узмасди. — Мирмуҳсин, Умид