Поиск

sft. 1. Uzil-kesil tarzdagi, qatʼiy.

Keskin mulohaza. Keskin eʼtiroz. Keskin javob bermoq.

Sulton Ali Mirzo Xoʻja Yahyoga qarshi keskin chora koʻrolmaydi. — P. Qodirov, Yulduzli tunlar

Armani usta qora lavhadagi soʻzlarni oʻchirib, qayta yozishdan keskin bosh tortdi. — N. Aminov, Suvarak

Juman juda keskin gapirmasdan, fikrlarini ehtiyot bilan, mulohaza shaklida aytishga qaror qildi. — A. Muxtor, Tugʻilish

2. Jiddiy va tubli tarzda.

Tartibni buzishlar keskin kamaydi.

Shoʻrlangan tuproqlar qishloq xoʻjalik ekinlarining hosildorligini keskin pasaytirib yuborishi hammaga maʼlum. — Gazetadan

Yosh kelin-kuyov orasida avvalgi xayoliy orzu bilan hozirgi ahvolning keskin farqidan kelib chiqqan noxush bir murakkablik borligini Oysha begim ham payqar va ich-ichidan iztirob chekardi. — P. Qodirov, Yulduzli tunlar

3. Hal etilishi ogʻir, katta kuch va ehtiyotlik talab etuvchi; jiddiy; hal qiluvchi.

Abdurasul keskin kurashga tayyorlanish kerakligini tushundi. — P. Tursun, Oʻqituvchi

4. Tez yuz beruvchi va kuchli, shiddatli, qattiq (ovoz, shamol va shu kabilar haqida).

Yoʻlchi koʻchaga chiqishi bilan keskin sovuq shamol quloqlarida gʻuvullab, ignaday oʻtkir, mayda qor parchalarini uning yuziga urdi. — Oybek, Tanlangan asarlar

5. rvsh. Juda tez; birdan, shartta.

Oʻktam oʻzini choʻl xoʻjayini sezib, tevarakka qarchigʻay boqish bilan alanglab, otini istagan yoqqa keskin burar edi. — Oybek, Oltin vodiydan shabadalar.

Islomxoʻja keskin burilib, foytunga qarab yurdi. — S. Siyoyev, Avaz

ot Yupatuvchi narsa, gap, ish-harakat va shu kabilar; tasalli, yupanch. Bu nafosat dargohi

[Muqimiy teatri] oʻsha ogʻir jang va kurash yillari beorom koʻngillarga taskin, yoshli koʻzlarga nur baxsh etgan. — A. Yusupov, Jilokor qoʻllar

Yuragim ranjigan boladay Na ermak, taskinga koʻnadi. — Sh. Rahmon, Yurak qirralari

sft. Tinchlik, tasalli bermaydigan; betinch, besaranjom.

Beadad, betaskin bir alam vujudini qamrab, boʻgʻzini qattiq boʻgʻa boshladi. — S. Nurov, Maysalarni ayoz urmaydi

ot Moleskin, shaytonteri (gazmol turi).

ot 1. Jiddiy, keskin holat, xususiyat.

Uning feʼlidagi keskinlik koʻplar muhabbatini oʻziga tortgan edi. — Mirmuhsin, Umid

2. Ogʻir oqibatlarga, toʻqnashuvga olib kelishi mumkin boʻlgan murakkab, ogʻir holat, ziddiyat.

Xalqaro munosabatlardagi keskinlik ancha yumshadi.

ot Miskin ahvol, tushkun holat.

Bu undagi miskinlik oʻrnida uygʻongan insoniy gʻurur nishonasi edi. — P. Tursun, Oʻqituvchi.