Поиск

ot Zich, tigʻiz emaslik; kamlik, koʻp emaslik.

Koʻchatlarning siyrakligi.

U hayajonlana boshlaganidan va havoning bu yerda siyrakligidan yuragi gupullab urdi. — S. Karomatov, Oltin qum

sft. 1. Tuki kam, qalin, quyuq emas.

Siyrak soqol. Siyrak soch.

Moʻmin aka peshonasini tirishtirdi, siyrak baroq qoshlari bir-biriga tutashdi. — O. Yoqubov, Bir felyeton qissasi

Isfandiyor pinagini buzmadi. Siyrak murti bir uchib qoʻydi, xolos. — S. Siyoyev, Avaz

2. Koʻp emas, kam; onda-sonda.

Choyxonada odam siyrak edi. — S. Zunnunova, Yangi direktor

Bugun maydondagi archalar koʻzimga avvalgidan siyrak, katta koʻrinyapti. — H. Nazir, Soʻnmas chiroqlar

Bu oilada har kun shirin-shirin ovqatlar tayyorlanadi. Ammo mehmon siyrak boʻladi. — Oybek, Tanlangan asarlar

3. Kuzi, teshiklari katta-katta.

Siyrak toʻr. Siyrak elak kunda kerak, Paxta elak hayitda kerak. — Maqol

4. Arqoq-oʻrishlarining oralari ochiq-ochiq qilib toʻqilgan.

Siyrak doka.

5. Unchalik zich boʻlmagan, siyraklashgan (gaz, havo va shu kabilar haqida).

Siyrak bulut.

Bu yer boʻlsa dengiz sathidan ikki-uch ming metr baland, havo ancha siyrak. — S. Anorboyev, Oqsoy

6. Kam uchraydigan, onda-sonda boʻladigan.

Siyrak hodisa.

Oʻchadigan chiroq yonib oʻchadi, maqoli kabi Turkiston xonlarida siyrak koʻrilgan bu maʼmuriyatparvarlik bizga qolsa shu omillardan tugʻilgan va bunda samimiy hech narsa yoʻq. — A. Qodiriy, Mehrobdan chayon

fl. ayn. Siyraklashmoq.

fl. Siyraklamoq feʼlining majhul nisbati.

fl. Siyraklamoq feʼlining orttirma nisbati.

fl. 1. Siyrak boʻlib, ozayib qolmoq.

Koʻkdagi yulduzlar oyning oʻtkir shuʼlasida eriganday siyraklasha boshladilar. — S. Zunnunova, Yangi direktor

2. Kamaymoq, ozaymoq.

Koʻchadagi qatnov siyraklashib, qorongʻi tusha boshladi. — H. Gʻulom, Mashʼal

Birpasda perronda odamlar siyraklashib qoldi. — Oʻ. Hoshimov, Qalbingga quloq sol

3. Kengayib yoki maʼlum hajmdagi miq-dori kamayib, salmogʻini yoʻqotmoq, siyraklanmoq (gaz, havo haqida).

Yuqoriga koʻtarilgan sari havo siyraklashadi.