Qidiruv

sft. Sir (moy boʻyoq) bilan naqsh solingan.

ot 1. ayn. Sirchi.

Sirkor usta,

Meʼmorlarimiz sirkor, naqqosh va oʻymakorlar bilan yaqindan ijodiy aloqada boʻlishlari kutilmagan natijalar beradi. — Gazetadan

2. Sirlangan, sir (moy boʻyoq) berib ishlangan, sirli.

Sirkor uy. Sirkor sopol idish,

Hamma ikki tavaqali sernaqsh, sirkor eshikning ochilishini va uz nomlarining aytib chaqirishlarini kutib turardi. — M. Osim, Tilsiz guvoh

Islomboy chirogʻi charaqlab turgan oynaband, sirkor ayvonda ust-boshidagi qorni qoqish bahonasida toʻxtab, oʻrtadagi derazadan razm soldi. — X. Sultonov, Bir oqshom ertagi

ot 1. Narsalar sirtiga moy boʻyoq berib bezatish bilan shugʻullanish; sirkor kasbi.

Sirkorlik kasbini oʻrganmoq.

2. Sir (moy boʻyoq) bilan ishlangan bezak, gul.

— Toʻgʻri, — dedi shipdagi sirkorlikka zehn solib oʻtirgan doʻkon mudiri [Xolnazarovga],— kecha komission magazinda bir bufet koʻrdim. — Mushtum