Qidiruv

ot Kamtarlik, kamsuqumlik; bosiqlik.

— Men u kishining gaplariga biror qoʻshimcha qilishga ojizman, — dedi Saidgʻozi va kresloda savlat toʻkib oʻtirgan raisga qarab, sipolik bilan bosh irgʻatdi. — S. Anorboyev, Oqsoy

Qora kiyinib olgan Badia mehmonlarga choy-non qoʻyib, sipolik bilan xizmat qilardi. — Mirmuhsin, Meʼmor

sft. 1. Kamtar, kamsuqum, oddiy.

Sipo odam. Sipo kiyinmoq.

Komila beqasam kiyib, soʻrida sipogina oʻtirgan Azimjonga koʻz qirini tashlab qoʻydi. — A. Muxtor, Chinor

Baland boʻyiga sipo qilib tikilgan guldor koʻylagi yopishib turardi. — H. Ziyoxonova, Birinchi maktub

2. Ogʻir, vazmin, bosiq.

Oʻzini sipo tutmoq.

Yigit ular bilan sipo salomlashib, qoʻlidagilarni stolga qoʻydi. — A. Obidjon, Akang qaragʻay Gulmat

Endi shoʻxlik qayoqda deysiz, Yurishlarim sipo va oʻychan. — A. Oripov, Yillar armoni

ot 1. tar. Podshoh, xon, amir saroyida uzoq, xizmat qilgan lavozimli kishi; amaldor.

Sipohning oshnasi boʻlmas. — Maqol

Eshikni qiya ochib, notanish kishilarga sovuq nazar tashlagan, yuzlari goʻshtdor uy egasi sipohlarga xos purviqorlik bilan Xizmat? degandek qaradi. — Mirmuhsin, Meʼmor

2. Jangchi, askar.

Dehqon boʻlsang — qoshida boʻl, sipoh boʻlsang — boshida boʻl. — Maqol

Qilichi sinib, qalqoni teshilgan sipohlardek, ona-bola kitob-daftarlarni koʻtarib, bogʻ darvozasi tomon yurisha boshladi. — Mirmuhsin, Umid

Muhammad Rahimxon yoʻl yoni-da saf tortgan sipohlarga qarab bosh chay-qadi. — S. Siyoyev, Yorugʻlik

3. Shaxmat oʻyinida: piyodadan katta donalar (fil, ot, rux, farzin).

Bir piyodaga bir sipohni qurbon bermoq.

4. koʻchma ayn. Sipo.

— Qachondan beri sipoh boʻlib qolding? — taʼna qildi boshyalang. — Shuhrat, Shinelli yillar

Shernazarboy hammadan sipoh koʻringan edi. — J. Sharipov, Xorazm

ot ayn. Sipoh 1, 2.

Maxdum mashqxonadan chiqib, ichkari kirishga odim uzgan holatda darvozadan sipohi kiyimida bir kishi kirdi-da maxdumga salom berib, yaqiniga yurib keldi. — A. Qodiriy, Mehrobdan chayon

ot 1. tar. Amaldorlik, ishboshilik.

2. Askarlik, jangchilik.

3. ayn. Sipolik.

Yoʻldoshga aytib qoʻying, hadeb mening jigʻimga tegavermasin. — Xoʻp, — dedi Tursunov sipohlik bilan. — Iboxon, Ulugʻ yoʻl