Поиск

fl. 1. Chuqur oʻrnashmoq, oʻzlashmoq, jo boʻlmoq, singmoq, singimoq.

Oqshom tinchligida olamning butun goʻzalliklari koʻnglimga singishib kirganday boʻladi. — A. Muxtor, Davr mening taqdirimda

Koʻzlariga oʻrnashgan, singishgan gʻam ketmagan edi. — M. Ismoiliy, Fargʻona tong otguncha

2. Oʻrganib olmoq, odatlanmoq; moslashmoq.

Qariyb yetti yillik gavjum hayot davomida Yigitali shahar sharoitiga butunlay singishib ketgan edi. — D. Nuriy, Osmon ustuni

3. Bagʻriga, qoʻyniga yoki rangiga, tusiga kirib yoʻqolmoq; birga qoʻshilib, birdek boʻlib ketmoq.

Togʻlar, qirlar, dalalarda oqshom tushib, qosh qoraya boshlagan, atrofdagi daraxtlar, uylar va ekinzorlarning bari bir-biriga singishib, koʻkimtir tuman pardasiga oʻralayotgan edi. — H. Nazir, Soʻnmas chaqmoqlar

4. koʻchma Oʻrganish boʻlib qolmoq, odat tusiga kirmoq, oʻzlashib ketmoq.

[Qandolatxon] Eri ustidan hukmronligini Husniddinga ham koʻrsatmoqchi boʻldi. Lekin Husniddinga bu qiliq singishmay, avval bir necha kun taʼbi tirriq yurdi. — Mirmuhsin, Feʼlan kuchsizlik

fl. ayn. Singimoq.

Dilga singdi yurt muhabbati. — E. Vohidov

Namozbekni oʻldirib, qotillar tunga singdi. — X. Davron

singularузбекскийbirlikрусскийединственное число

fl. 1. Shimilmoq, shimilib yoki sizib, ichki qatlamga, qismiga oʻtmoq.

Moy boʻyoq taxtaga yaxshigina singiydi.

Ular: Yer toʻymaguncha, el toʻymas, lalmikor qirlarning tuprogʻiga qor suvi singimaguncha, bugʻdoy unmaydi, deb nolir edilar. — P. Tursun, Oʻqituvchi

2. Hazm boʻlmoq, oʻzlashmoq (ovqat, oziq haqida).

— Uch tutam holva, uch tanga pul, — dedi yigitcha. — Agar hammasini yesangiz, osh boʻlsin, singisin. — S. Ayniy, Esdaliklar

Vaqtida ovqatlanmaslik meʼda shilliq qavatini yalligʻlantiradi natijada kishi qayt qiladi, yegan ovqati singimaydi. — Gazetadan

3. fiz. Yutilmoq, shimilmoq.

Yorugʻlikning jismga singishi.

4. koʻchma Bagʻriga, qoʻyniga kirib yoki rangiga, tusiga oʻzlashib ketmoq yoxud birdek boʻlib, izsiz yoʻqolmoq.

Otabek sunbul isli sochlardan ruh olar, Kumush goʻyo uning bagʻriga singib ketgan edi. — A. Qodiriy, Oʻtgan kunlar

Ularning bir-biriga monand gavdasi chiroqlar nurini kesib oʻtib, qorongʻilik qoʻyniga singib ketdi. — Oʻ. Hoshimov, Qalbingga quloq sol

5. koʻchma Oʻrnashib qolmoq, jo boʻlmoq.

Qishloq muhiti, ota-onaning oʻta oq koʻngillik ruhida bergan tarbiyasi Yigitalining qon-qoniga singib ketgandi. — D. Nuriy, Osmon ustuni

Bu odam mahalla hayotiga, har bir kishining diliga kirib, shu qadar singib ketgan ediki, otpuskaga yo komandirovkaga ketsa, butun mahalla huvullab qolganday boʻlardi. — A. Qahhor, Asarlar

Pishib yotgan bogʻlarga boqdim, Hislarimga singib kirdi kuz. — X. Davron

6. koʻchma Yoʻqolmoq, yoʻq boʻlmoq; yoʻq boʻlib, xotiraga aylanib qolmoq.

Yillar qaʼriga singib ketgan bolalik, olisda sudralib yurgan bulut parchalaridek, koʻz oʻngidan oʻtaveradi. — S. Ahmad, Hukm

ot tib. Vitamin yetishmasligi tufayli yuz beradigan, darmonsizlik, tish milklarining boʻshashuvi, qonashi va tishlarning toʻkilishi bilan xarakterlanadigan kasallik.

C vitamini raxit, avitaminoz, singa kasalliklaridan saqlaydi. — Saodat