Қидирув

фл. 1. Парчаланмоқ, майдаланмоқ, бўлакларга ажралмоқ, узилмоқ.

Шиша синди. Қалам синиб солди. Кўза кунда синмайди, кунида синади. — Мақол

Қайин дарахтининг эгилгани —сингани, Эр йигитнинг уялгани — ўлгани. — Мақол

Қўлидаги дасталанган пахта гулли пиёладан бири ерга тушиб, чил-чил синди. — Т. Ашуров, Оқ от

Оёғингнинг остида ногоҳ Чирс этар-у, синиб тушар шох — Х. Даврон, Болаликнинг осмони

Ел кетма-кет бўкирар, бунга чидай олмаган шох-шаббалар чарс-чурс синар эдилар. — А. Қодирий, Ўтган кунлар

2. Зарб еб шикастланмоқ, парчаланмоқ (гавда суяклари ҳақида).

Умар билаги синиб, боши ёрилиб, тупроқда беҳуш ётарди. — С. Юнусов, Кутилмаган хазина

3. Шикастланиб ишдан чиқмоқ, яроқсиз ҳолга келмоқ.

Арава синди, ҳўкиз ўлди. — Мақол

— Хафа бўлманг, ака, — деҳқоннинг елкасини қоқиб юпатди Ёʻлчи, — фалокат эмас —

арава синади, тузатилади. — Ойбек, Танланган асарлар

Синган сози қайтадан Тилга киргандай, Хазон бўлган баҳори Гулга киргандай. — Ғайратий

4. кўчма Конкуренсияда, рақобатда енгилмоқ, банкротлашмоқ, хонавайрон бўлмоқ.

[Саидаҳмад:] Замон жуда лойқаланиб кетяпти, ҳали қарасанг, у бой синибди, ҳали қарасанг, бу бой. — Ойбек, Улуғ ёʻл

5. кўчма Маънавий зарба олмоқ.

Одамнинг кўнгли нозик бўлади: бир кичкина нарса билан ё синади, ё кўтарилади. — М. Исмоилий, Бизнинг роман

— Агар боланинг руҳи синса, шунақа бетга чопар, каттага сўз қайтарадиган, қайсар бўлади, — деди [Акбархўжа]. — П. Турсун, Ўқитувчи

6. кўчма Енгилмоқ, маҳв бўлмоқ.

Синмас ирода. Ҳақиқат букилади, аммо синмайди. — Мақол

фл. айн. Сингимоқ.

Дилга сингди юрт муҳаббати. — Э. Воҳидов

Намозбекни ўлдириб, қотиллар тунга сингди. — Х. Даврон

фл. 1. Шимилмоқ, шимилиб ёки сизиб, ички қатламга, қисмига ўтмоқ.

Мой бўёқ тахтага яхшигина сингийди.

Улар: Ер тўймагунча, эл тўймас, лалмикор қирларнинг тупроғига қор суви сингимагунча, буғдой унмайди, деб нолир эдилар. — П. Турсун, Ўқитувчи

2. Ҳазм бўлмоқ, ўзлашмоқ (овқат, озиқ ҳақида).

— Уч тутам ҳолва, уч танга пул, — деди йигитча. — Агар ҳаммасини есангиз, ош бўлсин, сингисин. — С. Айний, Эсдаликлар

Вақтида овқатланмаслик меъда шиллиқ қаватини яллиғлантиради натижада киши қайт қилади, еган овқати сингимайди. — Газетадан

3. физ. Ютилмоқ, шимилмоқ.

Ёруғликнинг жисмга сингиши.

4. кўчма Бағрига, қўйнига кириб ёки рангига, тусига ўзлашиб кетмоқ ёхуд бирдек бўлиб, изсиз ёʻқолмоқ.

Отабек сунбул исли сочлардан руҳ олар, Кумуш гўё унинг бағрига сингиб кетган эди. — А. Қодирий, Ўтган кунлар

Уларнинг бир-бирига монанд гавдаси чироқлар нурини кесиб ўтиб, қоронғилик қўйнига сингиб кетди. — Ў. Ҳошимов, Қалбингга қулоқ сол

5. кўчма Ўрнашиб қолмоқ, жо бўлмоқ.

Қишлоқ муҳити, ота-онанинг ўта оқ кўнгиллик руҳида берган тарбияси Йигиталининг қон-қонига сингиб кетганди. — Д. Нурий, Осмон устуни

Бу одам маҳалла ҳаётига, ҳар бир кишининг дилига кириб, шу қадар сингиб кетган эдики, отпускага ё командировкага кеца, бутун маҳалла ҳувуллаб қолгандай бўларди. — А. Қаҳҳор, Асарлар

Пишиб ётган боғларга боқдим, Ҳисларимга сингиб кирди куз. — Х. Даврон

6. кўчма Ёʻқолмоқ, ёʻқ бўлмоқ; ёʻқ бўлиб, хотирага айланиб қолмоқ.

Йиллар қаърига сингиб кетган болалик, олисда судралиб юрган булут парчаларидек, кўз ўнгидан ўтаверади. — С. Аҳмад, Ҳукм

от Кишиларнинг тарихан шаклланган ишлаб чиқариш тизимида, ижтимоий меҳнатни ташкил этишда муайян мавқе ва ўринга эга бўлган, ишлаб чиқариш воситаларига, ижтимоий бойликнинг тақсимла-нишига бир хил дахлдорлиги ва манфаатларининг умумийлиги жиҳатидан бирлашган катта гуруҳи; нисбатан барқарор бўлган катта ижтимоий қатлам.

Ижтимоий синфлар. Мулкдорлар синфи.

Ўзбекистонда фуқароларга мулкдор бўлиш ҳуқуқининг берилиши жамиятни қарама-қарши синфларга бўлиб ўрганиш ғоясини ҳам инкор этади. — Ўзме

Ҳозир социологияда жамиятни синфларга ва бошқа ижтимоий гуруҳларга бўлишнинг турли мезонлари илгари сурилмоқда. — Ўзме

от ким. Менделеев даврий системасининг ИИ гуруҳига мансуб кимёвий элемент, кумушсимон-оқиш, яхши чўкичланадиган металл, рух.

от 1. 1 Бино ва иншоотлар деворининг таглик ёғоч билан саррови ўртасига қадалган ёғочлар.

Лайлак уя бостирманинг олди кўтарилиб, орқаси кўча томонга босиб кета бошлади. Унча зич қилиб солинмаган синчлар орасидан дув этиб гувалалар тўкилиб тушди. — Д. Нурий, Осмон устуни

2. Иморатнинг, деворнинг шу қисми учун боп ёғоч.

Иморатга синч олмоқ.