Қидирув

фл. Синамоқ феълининг мажҳул нисбати.

фл. 1. Синовдан ўтказмоқ, текширмоқ, текшириб кўрмоқ.

Тайёр машиналарни синамоқ. Синамаган отнинг сиртидан ўтма. — Мақол

Эр йигитни майдонда сина. — Мақол

У [Азиз Абдураззоқ] фақат шеър ёзиб қолмай, насрий ҳажвчиликда ҳам кучини синамоқда. — Муштум

Шилдир-шилдир қамишга сирғам тушди, ёр-ёр, Синалмаган йигитга синглим тушди, ёр-ёр. — Оқ олма, қизил олма

2. Бир предметни (масалан, дорини, таомни) ишлатиб кўриб ёки истеъмол қилиб, таъсирини аниқламоқ.

Тоҳиржон киноя билан жилмайди: — Барча дорини синадим. Меники бедаво дард. — Ойбек, Танланган асарлар

3. Имтиҳон қилиб, билим даражасини аниқламоқ.

Ўқувчиларни физикадан синаб кўрмоқ.

4. Ўсмоқчилаб сўрамоқ, қўйнига қўл солмоқ.

Унинг [Ҳотамнинг] сахийлиги ростми, ёлғонми — синаш мақсадида, бир-икки одам ўша тулпорни сўраб, олдига боришибди. — Шукрулло, Жавоҳирлар сандиғи

5. Бошидан кечирмоқ, ўз тажрибасида, ҳаётида кўриб билмоқ.

Қарзга ёʻлиққандан кўра, балойи ногаҳонга ёʻлиққан яхши. Ҳаммасини синадик. — Ойбек, Танланган асарлар

Синасин ўз бахтини, Бахти қўлласин уни. — Ҳ. Олимжон

айн. синов 2

Синаш стенди. Синашдан ўтмок

от Текширилган, синалган, синовдан ўтказилган, ишончли.

Синамол от.

Ҳозир улар менга синамол эмас, ҳали бизларнинг бир-биримизга душманлигимиз бор. — Муродхон

— Менимча, биз синамол ўзгаришларни чўтга солмасдан тадбир кўрмоқдамиз, — деди Мир Алихон. — С. Азимов, Қонли сароб

сфт. 1. Амалда, тажрибада синаб кўрилган, синовдан ўтган.

2. айн. Татбиқий, амалий.

Синамали ҳандаса (амалий геометрия).

от 1. Яхши синалган, текширилган, таниш, қадрдон, яқин.

Қоровул синашта эди, итоаткорона бош эгди: — Тушундим, хўжайин. — С. Сиёев, Отлиқ аёл

Пошшохон савдони синашта кишилар орқали зимдан амалга оширадиган ёʻлни топди. — Д. Нурий, Осмон устуни

2. Бошидан кечирилган, синаб, тотиб кўрилган; тажрибадан ўтказилган.

Бу дард айниқса Отабекка уч йилдан бери синашта. — А. Қодирий, Ўтган кунлар