Қидирув

от 1. Текис эканлик, бежиримлик; равонлик. Юзнинг силлиқлиги.

У [Нусратбек] онасининг қаттиқ қўлларини уқалаётганида, ўзининг қўллари оппоқ, семиз, силлиқлигини сезиб уялган эди. — С. Нуров, Нарвой

2. Хушмуомалалик, юмшоқлик; осонлик.

Шу орада ғаламис оралаб, илоннинг ҳақини еган, деган гап чиқиб қолди. Силлиқлик билан, ўз аризамга биноан қуён бўлиб қолдим. — С. Аҳмад, Сайланма

сфт. 1. Текис, теп-текис, ғадир-будурсиз.

Тош шу қадар силлиқки, гўё ҳайкалтарош хўп ҳафсала билан ёʻнган-у, кўтаролмай ташлаб кетган дейсиз! — Ҳ. Назир, Сўнмас чақмоқлар

Шерали Оғажонга қўл узатиб кўришаркан, унинг хотинларникидек силлиқ юзига қараб, эшитилар-эшитилмас ғоят мамнунман, деб қўйди одоб юзасидан. — С. Кароматов, Олтин қум

2. Сирпанчиқ, сирғанчиқ, ойнадек.

Силлиқ муз.

[Бектемир) Нам, силлиқ қияликдан сирпаниб, яна сувга шалоп этиб тушди. — Ойбек, Қуёш қораймас

3. Бежирим, текис, жилоли.

[Жўрахоннинг] Дурраси силлиқ сочларидан сидирилиб, пастга тушди. — М. Исмоилий, Фарғона тонг отгунча

4. кўчма с. т. Қад-қомати келишган, бежирим, чиройли.

Сирти силлиқ жувон.

Дуруст, силлиққина йигит экан, деб ўйлади у юраги тирналиб. Ў. — Ҳошимов, Қалбингга қулоқ сол

Олимхон замонасига мувофиқ, олифтанамо, ёшига нисбатан чиройли, силлиқ киши эди. — Ойбек, Танланган асарлар

5. кўчма Камчиликсиз, равон (тил, услуб, нутқ ва шу кабилар ҳақида).

Силлиқ услуб. Силлиқ гапирмоқ. Силлиқ нутқ.

Поччаевнинг тўғри, силлиқ гаплари узоқдан дона-дона янграб эшитиларди. — А. Мухтор, Туғилиш

6. Кишига ёқадиган, қаттиқ тегмайдиган, юмшоқ.

Силлиқ муомала.

[Собир ака:] Силлиққина қилиб жавоб бердим. Сен нима дейсан, аяси?0. — Ёқубов, Песалар

7. Муаммосиз; кўнгилдагидек, тўсиқсиз; бекам-кўст; бежанжал.

Аммо олдиндан тузилган режалар ҳамиша ҳам силлиққина амалга ошавермайди. — С. Кароматов, Олтин қум

Бу учинчи хотинимдан ҳам хамирдан қил суғургандек — силлиққина қутулмоқчи эдим, бироқ отим ишнинг пачавасини чиқариб қўйди. — Муштум

8. Товушсиз; сездирмасдан.

Дилимардон мушукдай силлиққина кириб келганини ва синф журналини алмаштираётганини ҳеч ким сезмай қолди. — Газетадан

9. махс. Бир текисда, бир маромда, равон, шовқинсиз.

Тўғри, ишни қойил қиласан, машиналар доим силлиқ айланади. — Ф. Мусажонов, Камтарин ишчи

Қийшиқ чизиқлар чегараларини силлиқроқ қилиш, обектлар четларида пайдо бўладиган “тишчалар”ни ёʻқ қилиш мақсадида қўлланиладиган тасвирларга ишлов бериш технологияси. Силлиқлаш технологияси 1972 йилда Массачусец технологик институтида (АҚШ) яратилган.инглизчаanti-aliasingрусчасглаживание

фл. 1. Турли материаллар (металл, тош, ёғоч ва бошқаларга) ишлов бериш билан уларни силлиқ қилмоқ, сайқал бермоқ.

Тошни силлиқламоқ. Яхмалакка сув сепиб силлиқламоқ.

У толдан қилинган янги кетмон сопини ойна билан қиртишлаб силлиқлар, хаёлида эса Эралини ачитиб олаётган эди. — А. Муҳиддин, Ғанишер

2. кўчма С. т. Қайта ишлаб, камчиликлардан холи, бекам-кўст, равон қилмоқ.

Услубни силлиқламоқ. Тилни силлиқламоқ.

Гулнор ўз дўсти, сирдоши Зайнаб билан маслаҳатлашиб, Ёʻлчига хат ёзишга қарор қилган ва сўзларини айтиб турган; отин қиз эса, Гулнор сўзларини силлиқлаб, қоғозга кўчирган. — Ойбек, Танланган асарлар

3. кўчма Қўпол, дағал гапни тўғриламоқ, юмшатмоқ.

— Дадангиз шунчалик деган бўлсалар, худо хайр берсин, — деди Сидиқжон, қўпол равишда айтган гапини силлиқлаш учун — А. Қаҳҳор, Қўшчинор чироқлари

1. tegislew, shıray beriw

2. авıс. qayta islew

3. авıс. jumsartıw

фл. Силлиқламоқ феълининг мажҳул нисбати.