фл. Сиғдирмоқ феълининг мажҳул нисбати.
Қидирув
«сиғдирилмоқ» бўйича 29 та натижа: Изоҳли
Филтр
Луғат тури
Луғат мақолалари
29 тафл. 1. Жо бўлмоқ, жойлашмоқ, кетмоқ.
Кўп нарса сиғадиган идиш. Қучоққа сиғмайдиган дарахт. Бир қўлтиққа икки тарвуз сиғмас. — Мақол
Бу ерда олиб тушаман. Қандай беда денг, боғи қучоққа сиғмайди. — Ойбек, Танланган асарлар
2. Лойиқ, мос келмоқ (кийим, поябзал ҳақида).
Этик оёғимга сиғмади.
3. Бемалол кирмоқ, ўтмоқ.
Ип игнанинг тешигига сиғмади.
Зиндон ёнидан бир арава сиғадиган тор кўча ўтган. — С. Сиёев, Ёруғлик
4. Ўзига паноҳ топмоқ, бемалол, хотиржам яшамоқ, турмоқ.
Ундан чиқиб қаёққа, кимникига бораман, кимнинг уйига сиғар эдим. — А. Қаҳҳор, Мастон
Ўз юртингга сиғмай, бунда келасан, Дарбадар бошингга бало бўласан. — Ширин билан Шакар
Аваз ўз уйига сиғмай қолди. — С. Сиёев, Ёруғлик
5. кўчма Тўғри келмоқ, мос бўлмоқ.
Устозлар турганда, ўзи ҳақида сўзлаш шарқона одобга сиғмайди. — Газетадан
У нобакор яқинда бир ғайридин ожизага уйланмиш. Бу иши энди ҳеч қайси низомга сиғмайди! — К. Яшин, Ҳамза
- Ақлга сиғмаслик Чунки, сен айтгандек, беш-олти кунда Қўқонга бориб келиш сира ақлга сиғмас эди. — А. Қодирий, Ўтган кунлар
- Гап сиғмаслик Бошқа гапга ўрин ёʻқлик. Шарофат орага бошқа гап сиғмаслигини кўриб: — Боламни олиб кетгани келдим,— деди. — А. Қаҳҳор, Қўшчинор чироқлари
- Ичига сиғмаслик (севинч, шодлик, дард ва шу кабилар ҳақида) Тўлиб-тошмоқ. Ҳамза шу аснода юз берган даҳшатли манзарани кўриб эзилиб кетди, у тутақар, ғазаби ичига сиғмай ғижинар, тақа-тақ қилиб ўтиб бораётган вагонлардан кўз узмасди. — К. Яшин, Ҳамза
- Кўнглига (ёки дилига) сиғмайди
- Пешонасига сиғмади Ойинг фаришта эди, қизим. Нима қилайликки, пешонамизга сиғмади. — Ҳ. Ғулом, Тошкентликлар
- Тасвирга (ёки таърифга) сиғмайди Тасвирдан, таърифдан ташқари, таърифлаб ҳам бўлмайдиган; ажойиб. Гўзаллиги таърифга сиғмайди.Тошкент тонготари нақадар гўзал, Чиройли, тасвирга сиғмас, сермазмун. — Ғайратий
- Терисига сиғмай Ҳаддан ташқари қувониб. Улар [йигитлар] қопларини тўлдириб, териларига сиғмай, олма-узум олиб келаётганида, мўғуллар ушлаб олдилар-да, қулоқ-бурунларини кесиб, қўйиб юбордилар. — М. Осим, ЎтрорМавлоно Соҳиб Доро жиянининг абжад ҳисобини яхши ўрганиб олганини, фаҳм-фаросати ўсганини кўриб, терисига сиғмай кетди. — М. Осим, Сеҳрли сўз
- Хаёлга сиғмайдиган Хаёлга хам келтириб бўлмайдиган, хаёлда ҳам тасаввур қилиб бўлмайдиган.
- Юрагига сиғмайди 1. Ичида ётмайди, бировга айтмаса бўлмайди. Ўз юрагингга сиғмаган сир ўзганинг юрагига сиғмас. — Мақол;Қўлидан ғўнғир-ғўнғир гапдан бошқа иш келмайдиган бу одамнинг лип этиб кириб келавериши кейинги вақтда Қудратиллахўжанинг юрагига сиғмай қолган эди. — А. Мухтор, Опа-сингиллар
- Юрагига (ёки кўнглига, дилига) қил (ҳам) сиғмайди Ҳеч нарса ёқмайди, ниҳоятда юраги ғаш, хафа. Умрини ҳалол, бегуноҳ ўтказган йигитнинг ҳозир кўнглига қил сиғмайди. — С. Аҳмад, Ҳукм
- Ҳадди сиғмаслик Мозорга тил теккизишга қандай ҳаддинг сиғди, муртад?! — К. Яшин, Ҳамза
от Бирор миқдордаги нарсани сиғдириш, элтиш қобилияти, ички ҳажм.
Умуман республикамизда деярли Сирдарё сиғимига тенг миқдордаги ер ости сувлари бор. — С. Кароматов, Сўнгги бархан
- Иссиқлик сиғими
- Электр сиғими Конденсаторнинг электр сиғимини аниқламоқ.
- Кеманинг сув сиғими
от Бузоқлаган урғочи қорамол.
Говмиш сигир. Сигир соғмоқ. Сийлаганни сигир билмас. — Мақол
Ҳовли этагидаги оғилхона томондан сигирнинг пишиллагани, алланиманинг тап-тап этиб ерга тушгани эшитилди. Ў. — Ҳошимов, Қалбингга қулоқ сол
- Сигир йили Мучал йил ҳисобида иккинчи йил ( Унинг йили — сигир.
от Чекиш учун найча шаклида тиғиз, зич қилиб ўралган ва сирти елимланган тамаки барглари.
Баланд мартабали меҳмон ёнбошлаб сигара чекар, бошқалар камтарлик билан чўкка тушиб ўтирарди. — М. Исмоилий, Фарғона тонг отгунча
от 1. Бирор маълумот, буйруқ, хабар ва шу кабиларни яқин ёки узоқ масофага етказиш, кишиларни ўзига қаратиш, огоҳлантириш, тартибга чақириш учун қўлланадиган шартли белги, ишора, товуш ва шу кабилар
Светофор сигналлари. Товушли сигнал. Аниқ вақт сигнали. Машина сигнали. Сигнал чироқлари.
Шофёрнинг Ёʻл очинглар маъносида бераётган сигнали бефойда эди. — Н. Сафаров, Оловли излар
Мансур ҳовли ўртасига етиши билан орқадан машина сигнали эшитилди. Ў. — Ҳошимов, Қалбингга қулоқ сол
2. кўчма Бирор ҳодисанинг олдини олувчи, у ҳақида огоҳлантирувчи, таъкидловчи хабар ёки белги, ишора.
— Шундай кўнгилсиз аҳволлар тўғрисида сигналлар бўлганмиди? — Бўлган эди. Бу ерда ўртоқ Эргашевнинг ҳушёрлигига тан бериш керак. — А. Қаҳҳор, Мунофиқ
Шундан буён икки ой ўтди, ҳали ҳам матбуот сигналига жавоб ёʻқ. — Муштум