Қидирув

сфт. 1. Сифат жиҳатидан талабга тўла жавоб берадиган, сифати яхши.

Сифатли мол. Сифатли иш.

2. Аниқловчи орқали ифодаланган сифатга эга бўлган.

Аъло сифатли мол. Ёмон сифатли маҳсулот.

Майин жун деб юқори сифатли қўй гўшти, диркиллаган думба ёғидан айриламиз денг,— Шербек ёлғиз ўзи кетаётиб ўйга чўмди. — С. Анорбоев, Оқсой

Деворда ва ерда қимматбаҳо гиламлар, аъло сифатли чет эл гарнитури. — Ф. Мусажонов, Ҳиммат

от 1. флс. Нарса, воқеа, ҳодиса ва шу кабиларни уларнинг ўзига хос белги ва ички хусусиятларига кўра ифодаловчи фалсафий тушунча.

Миқдорнинг сифатга айланиши.

2. Нарсанинг, кимсанинг ижобий ёки салбий хусусияти, фазилати, хислати.

Инсон сифатлари ичида камтарлик энг яхши фазилатдир. — Газетадан

Навоий Ҳусайн Бойқарода шоирлик, илмпарварлик сифатларини кўрди. — Ойбек, Навоий

[Домла ўз-ўзига:] Ҳурматли китобларда айтадилар: Сабрлилик — худонинг ояти, сабрсизлик — шайтоннинг сифати. Шуларга амал қилиб, бир оз сабр қолмоқ керак. — Ҳамза, Танланган асарлар

3. Молнинг, маҳсулотнинг ёки ишнинг яроқлилик даражаси, қўйилган талабларга қанчалик жавоб бера олишини белгиловчи хусусияти.

Маҳсулотнинг сифатини яхшиламоқ. Ишнинг сифатини оширмоқ.

Ноннинг сифати унинг намлиги ва ғоваклиги каби хоссалар билан белгиланади. — Ғ. Маҳкамов, Дастурхонимиз файзи

Фабрикамизда илғорлар жуда кўп, улар ҳам маҳсулот кўлами учун, ҳам сифати учун курашадилар. — Газетадан

4. Қўшма сўз таркибида “ўхшаш“, -симон каби маъноларни билдиради, масалан,

девсифат, одамсифат, улуғсифат.

5. тлш. Предметнинг белгисини билдирувчи сўзлар туркуми.

Нисбий сифат. Туб сифат. Сифат даражалари.

Мақсади атом, ион, молекула, радикал ва бошқаларни идентификациялаш ёʻли билан намунада у ёки бу кимёвий элемент, структура ва бошқаларнинг мавжудлигини аниқлаш бўлган моддалар анализи.

Анализ қилинаётган модда компонентларини идентификациялаш (топиш) ва (ёки) уларнинг модда ва материаллардаги таркибини тахминий миқдорий баҳолаш.

average quality