Qidiruv

ot 1. fls. Narsa, voqea, hodisa va shu kabilarni ularning oʻziga xos belgi va ichki xususiyatlariga koʻra ifodalovchi falsafiy tushuncha.

Miqdorning sifatga aylanishi.

2. Narsaning, kimsaning ijobiy yoki salbiy xususiyati, fazilati, xislati.

Inson sifatlari ichida kamtarlik eng yaxshi fazilatdir. — Gazetadan

Navoiy Husayn Boyqaroda shoirlik, ilmparvarlik sifatlarini koʻrdi. — Oybek, Navoiy

[Domla oʻz-oʻziga:] Hurmatli kitoblarda aytadilar: Sabrlilik — xudoning oyati, sabrsizlik — shaytonning sifati. Shularga amal qilib, bir oz sabr qolmoq kerak. — Hamza, Tanlangan asarlar

3. Molning, mahsulotning yoki ishning yaroqlilik darajasi, qoʻyilgan talablarga qanchalik javob bera olishini belgilovchi xususiyati.

Mahsulotning sifatini yaxshilamoq. Ishning sifatini oshirmoq.

Nonning sifati uning namligi va gʻovakligi kabi xossalar bilan belgilanadi. — Gʻ. Mahkamov, Dasturxonimiz fayzi

Fabrikamizda ilgʻorlar juda koʻp, ular ham mahsulot koʻlami uchun, ham sifati uchun kurashadilar. — Gazetadan

4. Qoʻshma soʻz tarkibida “oʻxshash“, -simon kabi maʼnolarni bildiradi, masalan,

devsifat, odamsifat, ulugʻsifat.

5. tlsh. Predmetning belgisini bildiruvchi soʻzlar turkumi.

Nisbiy sifat. Tub sifat. Sifat darajalari.

sft. 1. Sifat jihatidan talabga toʻla javob beradigan, sifati yaxshi.

Sifatli mol. Sifatli ish.

2. Aniqlovchi orqali ifodalangan sifatga ega boʻlgan.

Aʼlo sifatli mol. Yomon sifatli mahsulot.

Mayin jun deb yuqori sifatli qoʻy goʻshti, dirkillagan dumba yogʻidan ayrilamiz deng,— Sherbek yolgʻiz oʻzi ketayotib oʻyga choʻmdi. — S. Anorboyev, Oqsoy

Devorda va yerda qimmatbaho gilamlar, aʼlo sifatli chet el garnituri. — F. Musajonov, Himmat

sft. Sifat jihatidan talabga toʻla javob bera olmaydigan, sifati yomon, past.

Sifatsiz mahsulot. Sifatsiz ish.

Ichkilikning iqtisodiy zarari ham katta: u mehnat intizomini buzadi, unumdorlikni pasaytirib, sifatsiz mahsulot ishlab chiqarishga yoʻl ochadi. — Gazetadan

Suv isrofgarchiligiga, sugʻorishni sifatsiz oʻtkazishga qatʼiy barham beringiz! — Gazetadan

ot tlsh. Feʼlning sifatga xos vazifani bajaruvchi, predmet belgisini bildiruvchi shakli, masalan, chiniqqan bola, kuylayotgan qiz.

ad. Predmetning biror xususiyatini ajratib koʻrsatish yoki unga boshqa bir predmetga xos xususiyatni koʻchirishdan iborat badiiy-tasviriy vosita; epitet. Shunga asoslanib, tasviriy vositalardan oʻxshatish, metafora, sifapiashni oʻxshashli koʻchimlarga; sinekdoxa, metonimiya, mubolagʻa, kichraytirish, allegoriya, kochirik hodisalarini oʻxshashsiz koʻchimga kiritish mumkin. "OʻTA"

fl. Biror jihatdan xarakterlamoq, sifatini yoki sifatlarini taʼriflab bermoq.

Yaxshi tomondan sifatlamoq.