«сидирилмоқ» бўйича 6 та натижа: Изоҳли
фл. Сидирмоқ феълининг ўзлик ва мажҳул нисбати.
Териси сидирилиб кетди.
У [Лолахон] енгини шимариб олган, кулча бетлари терга ботган, қизил рўмолчаси бошидан сидирилиб, узун соч ўримига илашиб қолган. — Ҳ. Назир, Сўнмас чақмоқлар
Гавдадан кўчган пўст оёқдан ечилган пайпоқдек илон гавдасидан сидирилиб тушади. — Зоология
фл. 1. Қўл бармоқлари ёки кафтни босиб, бир томонга ҳаракатлантирмоқ.
Эргаш қизарган юзини кафти билан сидириб қўйди — А. Мухтор, Опа-сингиллар
Раҳим Саидов титроқ қўллари билан сон толасини юз-кўзи аралаш сидириб, кичкина ёстиқча билан битта бўлиб ётган сочларига секин қўшиб қўйди. — У. Умарбеков, Ёз ёмғири
2. Қўл бармоқлари билан тортиб ёки суриб туширмоқ, тозаламоқ.
Пайпоқни сидириб, тўпиққа туширмоқ.
— Ёмонликка яхшилик, — деди ўт ёнида дийдираб ўтирган Уббиниёз соқолидаги лойни сидириб. — А. Мухтор, Қорақалпоқ қиссаси
— Ҳозир жуда қорним очди, — деди Турғунбой пешонасидан терларини сидираркан. — Т. Ашуров
3. Артиб, қириб ёки кўчириб олиб ташламоқ.
Бу ерда майдоннинг ҳар бир қатлами сидириб олиниб, такир ерда 500 машина сиғадиган катта автобаза қурилаётган экан. — С. Сиёев, Ёруғлик
Бўтабой ариқ четларидаги ўтларни кетмонлаб сидирди. — С. Аҳмад, Ҳукм
Овни нима қиламан! деб ўйлади Ёдгор нон ушоқларини сидириб оларкан. — Ў. Ҳошимов, Қалбингга қулоқ сол
4. кўчма Олиб ташламоқ; холи қилмоқ; кетказмоқ.
Энг мусаффо хаёл бўлиб ишқ, Қиз қалбидан сидирди доғни. — О. Ҳожиева
Кулги юраклардаги ғашликни сидирди. — М. Исмоилий, Бизнинг роман
от 1. Бир рангдаги, бир тусдаги; гулсиз, сийдам.
Сидирға духоба. Сидирға ранг,
Ёнидаги бўш стул устида турган сидирға қора бахмал дўпписини олиб, тақир бошига кийди. С. — Анорбоев, Оқсой
2. Ялпи равишда, ёппасига, бир текис, узлуксиз равишда.
Мана уч кеча-ю кундуз ҳавонинг қовоғи солиқ: қора ёғнинг тутунидай қоп-қора булут Асака билан Ўзган оралиғини сидирға қоплаб олган. — Р. Раҳмонов, Чангалзордаги шарпа
Қор тоғда сидирға бўлмай, қатиқ тўкилгандай олачалпоқ. — Шуҳрат, Жаннат қидирганлар
рвш. Ёппасига, ялписига, узлуксиз равишда.
Меваларни сидирғасига совуқ урибди.
— Сидирғасига ўқийвер, бу нимаси, бизлар ҳам эшитайлик, шайтон қиз! — дейди Роҳат келинойи. — Ойбек, Болалик
фл. Сидирмоқ феълининг биргалик нисбати.
фл. Сидирмоқ феълининг орттирма нисбати.
