Qidiruv

fl. Sidirmoq feʼlining oʻzlik va majhul nisbati.

Terisi sidirilib ketdi.

U [Lolaxon] yengini shimarib olgan, kulcha betlari terga botgan, qizil roʻmolchasi boshidan sidirilib, uzun soch oʻrimiga ilashib qolgan. — H. Nazir, Soʻnmas chaqmoqlar

Gavdadan koʻchgan poʻst oyoqdan yechilgan paypoqdek ilon gavdasidan sidirilib tushadi. — Zoologiya

fl. 1. Qoʻl barmoqlari yoki kaftni bosib, bir tomonga harakatlantirmoq.

Ergash qizargan yuzini kafti bilan sidirib qoʻydi — A. Muxtor, Opa-singillar

Rahim Saidov titroq qoʻllari bilan son tolasini yuz-koʻzi aralash sidirib, kichkina yostiqcha bilan bitta boʻlib yotgan sochlariga sekin qoʻshib qoʻydi. — U. Umarbekov, Yoz yomgʻiri

2. Qoʻl barmoqlari bilan tortib yoki surib tushirmoq, tozalamoq.

Paypoqni sidirib, toʻpiqqa tushirmoq.

— Yomonlikka yaxshilik, — dedi oʻt yonida diydirab oʻtirgan Ubbiniyoz soqolidagi loyni sidirib. — A. Muxtor, Qoraqalpoq qissasi

— Hozir juda qornim ochdi, — dedi Turgʻunboy peshonasidan terlarini sidirarkan. — T. Ashurov

3. Artib, qirib yoki koʻchirib olib tashlamoq.

Bu yerda maydonning har bir qatlami sidirib olinib, takir yerda 500 mashina sigʻadigan katta avtobaza qurilayotgan ekan. — S. Siyoyev, Yorugʻlik

Boʻtaboy ariq chetlaridagi oʻtlarni ketmonlab sidirdi. — S. Ahmad, Hukm

Ovni nima qilaman! deb oʻyladi Yodgor non ushoqlarini sidirib olarkan. — Oʻ. Hoshimov, Qalbingga quloq sol

4. koʻchma Olib tashlamoq; xoli qilmoq; ketkazmoq.

Eng musaffo xayol boʻlib ishq, Qiz qalbidan sidirdi dogʻni. — O. Hojiyeva

Kulgi yuraklardagi gʻashlikni sidirdi. — M. Ismoiliy, Bizning roman

ot 1. Bir rangdagi, bir tusdagi; gulsiz, siydam.

Sidirgʻa duxoba. Sidirgʻa rang,

Yonidagi boʻsh stul ustida turgan sidirgʻa qora baxmal doʻppisini olib, taqir boshiga kiydi. S. — Anorboyev, Oqsoy

2. Yalpi ravishda, yoppasiga, bir tekis, uzluksiz ravishda.

Mana uch kecha-yu kunduz havoning qovogʻi soliq: qora yogʻning tutuniday qop-qora bulut Asaka bilan Oʻzgan oraligʻini sidirgʻa qoplab olgan. — R. Rahmonov, Changalzordagi sharpa

Qor togʻda sidirgʻa boʻlmay, qatiq toʻkilganday olachalpoq. — Shuhrat, Jannat qidirganlar

rvsh. Yoppasiga, yalpisiga, uzluksiz ravishda.

Mevalarni sidirgʻasiga sovuq uribdi.

— Sidirgʻasiga oʻqiyver, bu nimasi, bizlar ham eshitaylik, shayton qiz! — deydi Rohat kelinoyi. — Oybek, Bolalik

fl. Sidirmoq feʼlining birgalik nisbati.

fl. Sidirmoq feʼlining orttirma nisbati.