ot 1. Qilmishi, yomon xatti-harakati bilan kishiga xunuk koʻrinib qolgan, yoqimsiz holatga tushgan; yoqimsiz.
Mendan hech kim xabar olmay qoʻydi. Hammaga shumshuk koʻrinib qoldim. — Gʻ. Gʻulom, Tirilgan murda
Vali bultur choʻldan beruxsat joʻnagani, toʻgʻrirogʻi, qochvorgani maʼlum boʻlgach, tanish-bilishlari oldida shumshuk boʻlib, oʻz rayoniga sigʻmay qolgan. — H. Nazir, Oʻtlar tutashganda
Toʻnsiz karaxt boʻlib kelgan Muqimiy qaynana koʻziga juda shumshuk koʻringan edi. — S. Abdulla, Mavlono Muqimiy
2. Shunday holatga nisbatan haqoratni bildiradi.
— E, shumshuk, Domla-imom och qolsa, bozor kezadi, soʻfi och qolsa, mozor kezadi, degan maqolni eshitganmisan? — dedi mulla Mamasolih Hudhud soʻfiga. — N. Maqsudiy, Laylatulqadr