Qidiruv

ot 1. Harbiy qismlarni boshqaruvchi asosiy organ.

Bosh shtab. Polk shtabi. Diviziya shtabi.

Kapitan, asirni shtabga eltish haqida buyruq berib joʻnadi. — A. Qahhor, Oltin yulduz

Kengash borar harbiy shtabda, Qaynamoqda ish buloq-buloq. — H. Poʻlat

Biz endi darhol bosh shtab huzuridagi harbiy kengash qarorlarini amalga oshirishimiz lozim. — K. Yashin, General Rahimov

2. koʻchma Umuman, rahbarlik organi.

Agrosanoat birlashmasi shtabiga kelganlarning hasratlaridan tutun chiqayotgandek edi. — Mushtum

Yigitali ham fakultet shtab boshligʻi sifatida Sirdaryoga joʻnadi. — D. Nuriy, Osmon ustuni

ot Harbiy shtab oʻrnashgan joy, shtab qarorgohi.

ot Bosh shtab.

ot Joyning, narsaning haqiqiy oʻlchami bilan uning kartadagi, plandagi, chizmadagi, aerofotosuratdagi kichraytirilgan yoki kattalashtirilgan oʻlchami oʻrtasidagi nisbat.

Masshtab 1 : 10. Kichraytiruvchi masshtab. Masshtab lineykasi.

sft. Xatti-harakati yoqimli, xushfeʼl; ochiq.

Oddiygina kiyingan xushtabiat ayol Dadashevni kutuvchilar stoliga taklif qildi. — I. Rahim, Taqdir

Ruqiya opa oʻrta yoshlardagi xushtabiat ayol ekan. — Oʻ. Umarbekov, Koʻk daftarning siri

sft. Tabaqasi ikkita boʻlgan, ikki tabaqali.

Qoʻshtabaqali eshik.

Bu qoʻrgʻonning katta qoʻshtavaqa darvozasida posbon boʻlib Olapar degan katta koʻppak it yashar ekan. — S. Abdulla, Oʻrtoq Xolnazarov