Поиск

ot Yungdan toʻqilgan qalin mato, yung gaz-lama.

Shol bozori.

Bu boshiga sholdan salla oʻraydi. — Fozil shoir

Ikki qiz chayqalgan choynak-piyolalarni, tuya yungidan toʻqilgan shol dasturxonga oʻralgan nonlarni keltirib, mehmonlar oldiga qoʻydilar. — S. Ayniy, Qullar

Shamollatdi mollarin, Ipak-baxmal, shollarin. — Q. Muhammadiy

ot Issiq mamlakatlarda botqoqda oʻsadigan, boshoqlarida guruch yetishadigan don oʻsimligi; shu oʻsimlikning oqlanmagan, guruch holiga keltirilmagan hosili.

Sholi oqlamoq.

Bultur 5 gektar paxta yerini buzdirib, sholi ektirdim — Mushtum

Qori oʻzining xotinini yomonlab ketdi: sholini sochmasdan tuyolmaydi, suv qaynatsa ham, tagiga oldirib qoʻyadi. — A. Qahhor, Qoʻshchinor chiroqlari

taql. s. Ogʻir narsa suyuqlikka tushganda, shuningdek, suv qirgʻoqqa yoki boshqa narsaga urilganda hosil boʻladigan tovushni bildiradi.

Vodiyni ikkiga boʻlib oʻtgan katta soy shovullar, qirgʻoqqa shoʻlp-shoʻlp urilishi eshitilib turardi. — J. Abdullaxonov, Oriyat

ot Jundan toʻqilgan palos.

Himmatga Qani, oʻtir! dedi oshpaz, yozib qoʻygan sholchani koʻrsatib. — M. Muhamedov, Qahramon izidan

Oʻsha yerga bir parcha sholcha tashlanib, ichkaridan bir patnisda non, kosalarda moshxoʻrda chiqdi. — Oydin, Oʻzidan koʻrsin

ot Ovqatga ishlatiladigan, ildizmevasi oq, sariq, qizgʻish, och binafsha ranglarda boʻladigan sabzavot oʻsimligi.

Sholgʻomga suv qoʻymoq? Boʻyraday joyga sholgʻom ekkan odamga ham suvmi! — Oybek, Tanlangan asarlar

Sholgʻom juda qadim zamonlardan isteʼmol qilib kelinadi. U toʻq tutar va shifoli masalliqlardan biri. — K. Mahmudov, Oʻzbek tansiq taomlari

ot Tuxumning oqini yetmak bilan koʻpirtirib va shakar qiyomi qoʻshib tayyorlanadigan koʻpiksimon quyuq oq shirinlik.

Ota nisholdaga non botirar, samovarchi unga guldor piyolada issiq, xushboʻy choy uzatib turar edi. — A. Muxtor, Opa-singillar