Поиск

sft. Shokilasi bor, shokila bilan bezatilgan.

Shokilali dastroʻmol.

nos kadisidan shokilali tiqinni shoshilmay oldi, kaftiga nosdan solib, tilining ostiga otdi. — K. Yashin, Hamza

Shiftda oppoq shokilali bahaybat qandil, toʻrda devor baravar garnitur — S. Siyoyev, Otliq ayol

ot 1. Dasturxon, sochiq, darparda, roʻmol kabi buyumlarning chetiga-hoshiyasiga tikiladigan yoki shu gazmolning oʻzidan titib chiqarib yasaladigan bezak; gajim, popuk.

Dasturxon shokilasi.

Islom barlos qalpoqli boshini ogʻir tebratdi-da, koʻzini chodirning koʻrkam uqalari, rang-barang ipak shokilalari osilib turgan shipga tikdi. — Oybek, Navoiy

[Latofat] Parda shokilasiga tirmashayotgan kapalakni koʻrdi. — S. Karomatov, Hijron

2. Baʼzi buyumlarga bezak uchun osib qoʻyiladigan shu shakldagi taqinchoqlar.

Oʻrtaga osilgan katta qandilning asosi zarhaldan boʻlib, elliklab lampochkalar va minglab billur shokilalar unga zeb berib turardi. — T. Jalolov, Oltin qafas

sft. ayn. Shokilali.

Beliga shokilador shoyi chilvir bogʻlab yurar, choʻqqi soqoli istarasini yana ham issiq qilib koʻrsatardi. — J. Abdullaxonov, Xonadon