«shodlik» boʻyicha 93 ta natija: Izohli
ot Shod-xurram holat; xursandlik, sevinch, quvonch.
Shodlik bayrami. Shodlikdan oʻzini yoʻqotmoq.
Shodlik yoʻlga boshladi meni, Baxtiyorlik boʻldi odatim, Shoir boʻlib shodlik va baxtni Kuylamoqlik zoʻr saodatim. — H. Olimjon
Toʻy. Bu soʻz asosida xalqning shodligi, xursandligi yotadi, u kambagʻalning uyini shodlikka, quvonchga toʻldiradi. — T. Obidov, Yusufjon qiziq
sft. Biror narsadan mamnun, quvonchga toʻla; xursand.
Koʻngli shod. Shod boʻlmoq.
Sochlarin boʻynimga bogʻlab, Shod erurman bu kecha, Qoʻy, chamanlardan, sabo, Gul atrini tarqatmagil. — E. Vohidov
Choʻntagining qayeridadir asrab yurgan oʻttiz soʻmlikni onasiga berarkan, Boltaboy oʻzida yoʻq shod edi. — J. Sharipov, Saodat
ot 1. Ipga tizilgan bir xil, bir turdagi narsalar majmui.
Bir shoda marvarid. Bir shoda qalampir.
Oʻziyam uncha-muncha marjonlardan emas, oʻn ikki shoda-ya! — M. Ismoiliy, Fargʻona tong otguncha
— Hammasi asl, qizim, menda past narsa boʻlmaydi, — dedi xoʻjayin, keyin qizga qarab, koʻzini qisib kuldi, —
ol, bir shodani taqib koʻr. Juda yarashadi. — Oybek, Tanlangan asarlar
2. koʻchma Gʻuj, toʻp (bir turdagi narsalarning gʻuj-gʻuj, toʻp-toʻp holati haqida).
Chinnixon qoʻlini tepaga choʻzib, jiyda gulidan bir shoda uzib oldi va uni hidlab koʻrdi. — P. Qodirov, Erk
Asadda uning [ekinning] koʻksida koʻsaklar shodasi boʻlsin. — Gazetadan
3. maxs. Toʻqimachilik dastgohining oʻrish iplarini koʻtarib-tushirib turadigan qismi.
ot 1. Ogʻzidan bodi kirib, shodi chiqmoq Behayo soʻzlar bilan soʻkmoq, soʻkinmoq.
Kuyovi Gʻiyosiddin tilmoch, tokchalari mehrobnusxa mehmonxonada burma bolishni bagʻriga bosib, aroq, ichar, ogʻzidan bodi kirib, shodi chiqib, oqsoqolni soʻkar edi. S. — Ahmad, Hukm
Nazoratsiz qolgan ogʻizdan ham bodi kirib, shodi chiqishi mumkin. — M. Ismoiliy, Otang bolasi boʻlma, odam bolasi boʻl
2. Shodi (erkaklar ismi).
sft. kt. Shod, quvnoq.
Shodon kulgi.
Yosh qizchasin bosib bagʻriga, Shodon qoʻshiq oʻqiydi juvon. — Z. Diyor
Ustozlarim Lermontov, Bayron Koʻz oʻngimda turishar qator. Ular bilan soʻzlashib shodon, Tunlar oʻtib, tonglarim otar. — X. Saloh
sft. 1. kt. ayn. Shod.
Gʻurbatda gʻarib shodmon boʻlmas emish. — Alisher Navoiy
Ming shukurkim, kelding bugun sihat-salomat, shodmon, Aylay Nihoniy jon fido, qurbona boʻldim sogʻinib. — Hamza
E qoʻzim, jigarban-dim, shodmon etib kelding, Koʻkka yetkurib boshim, osmon etib kelding. — Habibiy
2. Shodmon (erkaklar ismi).
yosh Qattiq ogʻriq, qaygʻu yoki kuchli sevinch-shodlik va shu kabilar natijasida yosh bezlaridan ajralib chiqadigan tiniq shoʻr suyuqlik. Chin koʻngildan yigʻlasang, soʻq
yosh Qattiq ogʻriq, qaygʻu yoki kuchli sevinch-shodlik va shu kabilar natijasida yosh bezlaridan ajralib chiqadigan tiniq shoʻr suyuqlik. Chin koʻngildan yigʻlasang, soʻq
totimli Mazasi yaxshi, shirin. Muhabbatli, totimli boʻldi turmush, Kelib shodlik, farahlik, ketdi tashvish. Habibiy
xushtorlik Oshiqlik. Barcha shodlik senga boʻlsin, Bor sitam, zorlik menga, Barcha dildorlik senga-yu, Barcha xushtorlik menga. E. Vohidov
xushvaqtlik Xursandchilik, shodlik. [Sharif:] Xush kelibsiz, aziz mehmonlar. [Hamma:] Xushvaqtlik boʻlsin. N. Safarov, Kimga toʻy, kimga aza
farahlik kt. Farah, quvonchga toʻlalik, dilrabolik. Muhabbatli, totimli boʻldi turmush, Kelib shodlik, farahlik, ketdi tashvish. Habibiy, Devon
Uch oʻgʻilga otasidan qolgan bir xumcha oltin va ularning taqdiri haqida hikoya qilinadi. Ertakda mardlik, adolat va doʻstlikning qadr-qimmati ochib beriladi.
Bir choʻpon yigit sehrli nay yordamida xasis boyning dardiga davo topadi. Bu voqea boyning hayotini oʻzgartirib, unga baxt keltiradi.
Bu ertakda epchil oʻtinchi va uning eshagi hamda tuyasi oʻrtasidagi qiziqarli voqealar tasvirlanadi. Eshakning makkorligi va boshqa hayvonlar bilan doʻstlashuvi
Ertakda otasidan sehrli pichoq meros qolgan Ernazar ismli yigitning sarguzashtlari hikoya qilinadi. U akalarining hasadidan qochib, oʻziga yangi hayot qurishga
Hotam ismli yigitning sarguzashtlari haqida hikoya qilinadi. U oʻzining jasorati va topqirligi bilan koʻplab qiyinchiliklarni yengib oʻtadi.
Shahzoda Shavkat sirli kiyikni quvib, oʻzga olamga tushib qoladi va u yerda parizod Mohistaraga oshiq boʻladi. Bu sarguzasht uning hayotini butunlay oʻzgartirib
