ot 1. Kvars qumiga boshqa baʼzi moddalarni qoʻshib eritish va kimyoviy ishlov berish yoʻli bilan olinadigan qattiq va shaffof material; oyna.
Shisha eritadigan pech. Shisha ishlab chiqarmoq.
Bu doktorxona toʻgʻrisida Sotiboldining bilgani shu: salqin, tinch baland va chiroyli oq imorat; shisha qabzali eshigida qoʻngʻiroq tugmasi bor. — A. Qahhor, Bemor
2. Shunday materialdan yasalgan har xil shakldagi turli idish va buyumlar.
Bir shisha atir. Pivo shishasi.
Uning baxtiga bir vaqtlar stadionda birgalashib boʻsh shishalar tergan bolalardan biri yoʻliqib qoldi. — I. Rahim, Tinimsiz shahar
Lekin bu oʻqlarning biri devorni teshib ketdi, ikkinchisi chiroq shishasini chil-chil sindirdi. — H. Gʻulom, Mashʼal
- Shisha rang Nihoyat toza, musaffo, shaffof. Shisha rang osmon.Sharqirab oqayotgan shisha rang suvning jilosida endigina uyqusidan turgan, hali yuzlarini yuvib ulgurmagan tong. — R. Fayziy, Balli, ona qizim!