Қидирув

сфт. 1. Кишининг баҳридили очиладиган, кўркам; ихчам ва қулай (жой ҳақида).

Шинам хона.

Охирги бекатда шинамгина чойхона ҳам бор экан. — Н. Фозилов, Дийдор

Қатортолликлар чиройли ва шинам уйларни кўргач, юраклари севинч-қувонч билан тўлиб-тошди. — Ш. Рашидов, Бўрондан кучли

Кавушдўз Исоқ отанинг шаҳар таш-қарисида уч таноб келадиган шинам боғи бор. — М. Осим, Тилсиз гувоҳ

Боғда ҳовуз бўйларидаги шинам шийпонларга ёзилган дастурхонлар ёзилганича қолиб кетибди. — О. Ёқубов, Диёнат

2. Ярашиб тушган; ярашиқли, ихчам.

Қабулга келган қиз шинамгина туфлисининг баланд пошналарини тақиллатиб, стул олдига юриб келди-да, атлас кўйлагининг этакларини астагина йиғиштириб, ноз билан стулга ўтирди. — Ш. Рашидов, Бўрондан кучли

Бўлис буларнинг ҳаммасини яхши танийди, бироқ Ўтапнинг ёнида ўтирган ўрта бўйли, озғингина, шинам кийинган йигит унга нотаниш. — Ҳ. Ғулом, Машъал

Бу завқ Дулдулбекнинг гўштдор шолғом бурнини ҳам чимчилаб қўйгандек шинам ва гўзал қилиб кўрсатарди. — Мирмуҳсин, Сўгал

3. Хуш ёқадиган, ёқимли, мароқли.

Унинг шинам овози гўё “Кўча боғи“ учун, Кўча боғининг мафтункор оҳанги эса Ғуломжон учун яратилгандек янграр эди. — М. Исмоилий, Фарғона тонг отгунча.

Яшил уватларда завқли қўшиқлар, Шавқли ҳангамалар бўлар кўп шинам. — Ғ. Ғулом

от 1. Ҳаракатни енгиллаштириш, ғилдиракни ейилишдан сақлаш ёки туртки-силкинишларни камайтириш учун ғилдиракка кийдириб қўйиладиган резина гардиш.

Автомобил ғилдирагининг шинаси.

Автомобил ва тракторларни шиналар билан таъминлаш масаласи нақадар кескин эканлиги маълум. — Газетадан

2. тиб. Юмшоқ тўқималарнинг анчагина қисми шикастланганда, суяк синганда, суяк ва бўғим касалликларида уларни қимирлатмай қўйиш мақсадида ишлатиладиган, металл, гипс, тахта, пластмасса ва шу кабилардан тайёрланадиган мослама.

от Шинам ҳолат, қулайлик.

от 1. эск. 1 Шаҳар, қалъа, қўрғон кабилар деворидан душманни кузатиш ва отиш учун қилинган махсус туйнукча.

Қўрғон бурчидаги шинак орасидан узун бўйли, қора соқолли бир кишининг оташин назари узоқларга тикилган эди. — М. Осим, Аждодларимиз қиссаси

Атрофини ўраган девордан ўқ отиш учун шинаклар қўйилган. — Ш. Холмирзаев, Қил кўприк

2. Душманни кузатиш ва ундан сақланиш мумкин бўлган пана жой.

Яроғ олмай қолганлардан эҳтиёт қисм тайёрлаб, шинак орқасига қўйди, хотинлардан шафқат ҳамширалари тўдаси тузди. — С. Айний, Қуллар

Шинакка етганларида, бегимнинг кўлидаги машъаласини олди: — Эҳтиёт бўлинг, бегим, ёғийга кўринманг! — П. Қодиров, Юлдузли тунлар

от Автомобил шиналарини тузатадиган уста.

сфт. 1. Бирор нарсага ниҳоятда ихлос қўйган; ихлосманд, ишқибоз, мухлис.

Футбол шинавандаси. Кураш шинавандалари.

Томоша зали санъат шинавандалари билан лиқ тўлган эди. — Газетадан

Қўшни хонадан шахмат доналарининг тахтага тақ-туқ урилгани, қўли баланд шинаванданинг хурсанд овози эшитилди. — С. Нуров, Майсаларни аёз урмайди

2. Бирор иш, касб-ҳунарга меҳр қўйган, уни яхши биладиган, омилкор, ҳадисини олган.

Шўр ерларнинг пири, ташландиқ ерларнинг миришкори, ўз касб-корининг шинавандаси Турсунбой бормаса, ким боради ? М. — Муҳамедов, Ҳамқишлоқлар

Тиним билмас техника шинавандалари ишлаб чиқаришга жорий этаётган янгиликлар бир дарё бўлса, юқорида эслатганимиз ундан қатрадир. — Газетадан

3. Киши билан дилдан суҳбатлашадиган, элакишиб кетадиган.

Қутбиддиновнинг феъли айниди, яъни биронта шинаванда улфат билан бирпас дилкашлик қилгиси келди. — А. Қаҳҳор, Асарлар

У ўрта ёшли, хийла тўлалигидан бўйи паст кўринадиган, одамга тез элакишиб кетадиган шинаванда киши эди. — Ҳ. Назир, Кўктерак шабадаси

4. Улфат учун \еч нарсани аямайдиган, улфатчиликни ўрнига қўядиган; одамшаванда.

Фозилжон ҳали ёш бўлишига қарамай, ўзини улфат кўрган шинавандалардек тутарди. — Ф. Мусажонов, Нозик масала

Бунақанги шинаванда одам кам бўлади, ҳа. Ол-тин йигит. Дўст учун жонини ҳам аямайди. — Муштум