Поиск

sft. Norozilik, shikoyat yoki nolishni ifodalovchi, hasratli.

Darrov koʻzlariga qaygʻuli jilva berdi shikoyatli tovush bilan, goʻyo oʻz-oʻziga soʻzlagan kabi mingʻirladi. — Oybek, Tanlangan asarlar

— Asli bizning holimizni soʻramang! —

deydi shikoyatli ohangda Berdi tatar, — biz boshda shu Obid ketmon deganni oʻz ichimizga oʻylamasdan olgan ekanmiz. — A. Qodiriy, Obid ketmon

ot 1. Norozilik, nolish soʻzi; hasrat.

Uyqusizlikdan shikoyat qilmoq.

Hammaning tilida shikoyat: qimmatchilikdan, mardikor olish voqeasidan, bekorchilikdan shikoyat. — Oybek, Tanlangan asarlar

— Kambagʻalchilik oʻlsin! — xotin bu gapni shikoyat tarzida aytdi, ammo Turobjon buni taʼna deb tushundi. — A. Qahhor, Anor

2. Norozilik va maʼlum talab bilan ogʻzaki yoki yozma tarzda bildirilgan fikr; arz.

Shikoyat — ojizlik alomati.

Shikoyatni oʻziga ep koʻrmay, jim oʻtirdi Ahmad. — F. Musajonov, Himmat

Koʻpchilikning arz-dodiga quloq solmagandan keyin shikoyat oqaveradi-da. — Mushtum

Yo Qoʻqon hokimi Medinska janobi oliylariga arz qilarsan Bor, bora qol, shikoyat qila qol. — K. Yashin, Hamza

3. ayn. Shikoyatnoma.

Shikoyat va tavsiya daftari.

Kasabaqoʻm ishchi va xizmatchilarning shikoyatlarini korxona maʼmuriyati bilan birgalikda koʻrib chiqadi. — Gazetadan

Hukmlar toʻgʻrisida shikoyat berish erkinligi koʻzda tutiladi. — Gazetadan

Querulant m, Prozeßsüchtige m, Ränkeschmied m

ot Biror kimsa yoki narsadan shikoyat qiluvchi.

Xatlar harakati ustidan nazorat oʻrnatilmagan, bir qancha hollarda shikoyatchilarga javob qaytarilmagan. — Gazetadan

Ubaydullaxoʻja aʼlam shikoyatchi boylarning otdan ham koʻra oʻz eldoshlari oldida obroʻ uchun kurashayotganligini angladi-da ularni ikki oy ovora qildi. — P. Tursun, Oʻqituvchi

sft. Shikoyatga oʻxshash, shikoyatomuz.

Mashinasi boʻla turib, generalning toʻpiqdan chang kechib, piyoda yurganiga adyutantning goho jahli chiqib qoʻyar va oʻzicha nimalarnidir poʻngʻillab, shikoyatnamo soʻzlanib qoʻyardi. — Z. Fatxullin, Soʻnmas yulduz

U [obkom sekretari]

har qanday shikoyatnamo masalalarni oʻz vaqtida, ammo mujassam dalillar yordamida hal qilishga odatlangan. — J. Abdullaxonov, Toʻfon

ot Rasmiy tarzdagi yozma shikoyat.

— Boʻlmasa, aholi xonga shikoyatnoma yozmaydirmi? — Nechanchi shikoyatnomani soʻraysiz, — dedi Otabek, — Azizbekdan zulm, jafo koʻrganlar bilan birlikda endi oʻninchi shikoyatnomani yuborgandirmiz. — A. Qodiriy, Oʻtgan kunlar

Shu shikoyatnomani oliy hukumatimiz nomiga ishonchli bir kishidan berib yubordim. — H. Nazir, Koʻkterak shabadasi