Поиск

ot 1. mat. Fazodagi berilgan nuqtadan (markazdan) muayyan uzoqlikda joylashgan nuqtalarning geometrik oʻrni: yarim doiraning oʻz diametri atrofida aylanishidan hosil boʻlgan geometrik jism.

Sharning sirtini oʻlchash. Sharning radiuslari.

2. Shunday shaklga ega boʻlgan narsa.

Ularning shakli ham qiziq: biri tuxumga, biri bilyard shariga oʻxshaydi, baʼzisi qayroq toshday uzunchoq va silliq. — H. Nazir, Soʻnmas chaqmoqlar

Ammo boʻm-boʻsh koridorda toʻsatdan Zamira duch kelib qoldi. Koʻz koʻzga tushdi-yu, elektr sharlar chaqin chaqqanday boʻldi. — P. Qodirov, Uch ildiz

3. Bolalar oʻynashi uchun ichiga havo yoki havoga nisbatan yengil gaz toʻldirilgan, dumaloq shakldagi rezinka pufak.

Shar yorildi.

Avvalgi bayramlardagidek havoda rang-barang sharlar uchib yurmayapti. — I. Rahim, Chin muhabbat

ot 1. esk. yuq. usl. Muqaddas, aziz; tabarruk.

Qurʼoni sharif.

Buxoroyi sharifda Abu Ali ibn Sino degan bagʻoyat ulugʻ tabib oʻtgan. — M. Ismoiliy, Fargʻona tong otguncha

— Qaytib kelgandan keyin sizlarning yordamingizda hazratimning mozori shariflariga borib turamiz-da, — dedi domla. — P. Tursun, Oʻqituvchi

2. Sharif (erkaklar ismi).

ot Dumaloq shaklga ega boʻlgan kichikroq narsa; soqqa, soqqacha.

Podshipnik shariklari. Bilyard shariklari.

sft. din. Shariat aqidalari, qonun-qoidalariga mos keladigan; shariatga koʻra qonuniy.

Issiq uying, halol bolang, sharʼiy ering turganda, birovlarga belingni quchoqlatib elga bosh-qosh boʻlguncha, har narsa yeganing yaxshi! — S. Siyoyev, Otliq ayol

Men mavizni tamom sharʼiy qilib tayyorlayman, tunov kun mahallamizning oxunlari ham halolligiga fatvo berib ketdilar. — A. Qodiriy, Oʻtgan kunlar

ot din. Islom huquq tizimida: musulmonlarning Qurʼon asosida ishlab chiqilgan diniy, jinoiy va fuqarolik qonun va qoidalari majmui.

Shariat qoidalari.

Yarashadigan boʻlsangiz, shariat yoʻl topib beradi. — A. Qahhor, Qoʻshchinor chiroqlari

Shariat hamma vaqt adolatni himoya qiladi. — K. Yashin, Hamza

U Buxoroda madrasada oʻqib yurganda, shariat va tariqat ilmini yaxshi oʻrgangan, Quronni yod bilar edi. — P. Qodirov, Yulduzli tunlar

boʻlishish