Qidiruv

ot Jamoa boʻlib, ommaviy va ixtiyoriy ravishda biror ijtimoiy foydali ishni bajarish (dastlab bunday ishlar shanba kunlari bajarilgan).

Shanbalik oʻtkazmoq. ish Shanbalik kuni shu teraklarni, huv koʻchaning narigi tomonidagi chinorlarni ekishgandi. — Oʻzbekiston qoʻriqlari

Shaharni yanada obod va koʻkalamzor qilish maqsadida ommaviy shanbaliklar oʻtkazish anʼanaga aylanib qoldi. — Gazetadan

ot Haftaning jumadan keyingi, yakshanbadan oldingi oltinchi kuni.

Juma yogʻsa, shanba tinar; shanba yogʻsa, qachon tinar? — Maqol

Bu soʻlim maskanlarda shanba va yakshanba kunlari sayr-u sayohat qilgan hamshaharlarimiz juda koʻngilli dam oladi — Gazetadan

ot 1. tar. Eski maktablarda payshanba kuni bolalar domullaga keltiradigan pul, non va shu kabilar inʼomlar.

Hozir eski maktablarimizda bolalar har payshanba non yo nonning pulini, yaʼni payshanbalik olib boradilar. Bundan boshqa boʻyra puli, koʻmir puli ham bor. — Oybek, Tanlangan asarlar

2. Payshanba kunlari masjidlarga chiqariladigan xayr-u ehsonlar.

Payshanbalik deb, odamlar toʻrtta non, bir hovuch shirinlik va osh yoki sumalak solingan kosani yarim quloch surpga oʻrab, tugunni koʻchaga chiqaverishdagi supaga tashlab ketishadi. — Oybek, Tanlangan asarlar

ot Bir yakshanba kuni jamoa boʻlib, ixtiyoriy ravishda bajariladigan ijtimoiy ish.

Yakshanbalik qatnash-chilari barvaqt toʻplanishdi.

Yakshanbalik kuni hammamiz mashina zalini tartibga keltirdik. — Oʻzbekiston qoʻriqlari