Qidiruv

fl. 1. Shamollash kasaliga duchor boʻlmoq, shamollash tufayli kasal boʻlmoq; shabadalamoq.

Shamollaysiz, Safar aka, oʻranib oʻltiring. — A. Qodiriy, Mehrobdan chayon

Elmurod kechasi eshikka ehtiyotsiz chiqdi-yu, shamollab qoldi. — P. Tur-sun, Oʻqituvchi

2. s. t. Toza havodan nafas olib yurmoq.

— Ha, yoʻl boʻlsin, buvasi? — Sirojvoy bilan bir shamollab kelaylik. — H. Gʻulom, Toshkentliklar

Ancha shamollab va yengillab kirgan vaqtida mingboshi dasturxon yoniga agʻnab, uchib qolgan edi. — Choʻlpon, Kecha va kunduz

fl. Shamollamoq feʼlining majhul nisbati.

fl. 1. Shamollamoq feʼlining orttirma nisbati.

Qumrioy, Gʻani otaga ayting, Toʻlqinni olib kelsin, shamollatib qoʻymasin. — H. Gʻulom, Mashʼal

2. Biror joyning havosini yangilamoq.

Bugun ertaroq qaytdi. Kun boʻyi issiq qamalib, dimiqib qolgan xonani shamollatish uchun derazalarni ochib yubordi. — J. Abdullaxonov, Xonadon

3. Toza havo, shamolda tutib, gard-gʻubor va shu kabilardan xoli qilmoq.

Xafa boʻlma, har zamon kelib, shamollatib turmasam, chirib, irib ketasan. — A. Qahhor, Asarlar

Har kuni roʻmolni yechib [boshimizni] ikki soat-ikki soat shamollatib yuramiz. — E. Raimov, Ajab qishloq

Bahorda, issiq kunlarda ularni dorga yoyib tashlar, shamollatardi. — R. Fayziy, Hazrati inson

fl. Shamollatmoq feʼlining majhul nisbati.

fl. Shamollatmoq feʼlining orttirma nisbati.