«шакарли» бўйича 19 та натижа
сфт. 1. Таркибида шакар бўлган.
Шакарли моддалар. Шакарли ўсимликлар.
2. Шакар қўшилган, шакар сепилган.
Шакарли чой.
от 1. Лавлаги ёки шакарқамиш ўсимлигидан саноат ёʻли билан олинадиган оқ-сарғиш рангли қумсимон ширинлик.
Шакар сепилган қатлама. Ширин сўз шакардан ширин. — Мақол
Ҳолва ясамоққа шакар керакдир. Безак ишламоққа заргар керакдир. — Ё, Мирзо
2. кўчма Ширин, мазали, тотли.
Шакар қовун.
3. кўчма Кишига ёқадиган, ёқимли.
Тили шакар қиз.
Тополмайин юрур ёрнинг ўзини, Тўтиё қилади шакар сўзини. — Ширин билан Шакар
4. Шакар (хотин-қизлар исми).
от Қовун турларидан бири.
от шв. Аччиқ-чучук.
Шакаробга туз сепмоқ.
— Келин, помидор олиб чиқинг, бекор ўтирмай, шакароб қила тураман, — деди уста. — Т. Алимов, Одамсиз уйлар
Садбархон бўлса, шакаробга пиёз тўғраётган эди. — С. Зуннунова, Гўдак ҳиди
от айн. Шакарқамиш.
от Пашмак, ҳолва, обаки, новвот каби миллий ширинликлар пиширувчи мутахассис; қандолатчи.
— Бобомурод шакарпаз — қўли гул одам. Жойинг жаннатда бўлгур, бултур қазо қилди, — почча қўл очиб, шакарпазнинг арвоҳига фотиҳа ўқиди. — С. Анорбоев, Меҳр
