Hayot Foundation loyihasi
Loyiha haqida
Oʻz
Oʻz

Qidiruv

«shakari» boʻyicha 18 ta natija: Izohli

Filtr
Lugʻat turi
Izohli Tarjima Terminologik

Lugʻat maqolalari

15 ta
shakar

ot 1. Lavlagi yoki shakarqamish oʻsimligidan sanoat yoʻli bilan olinadigan oq-sargʻish rangli qumsimon shirinlik.

Shakar sepilgan qatlama. Shirin soʻz shakardan shirin. — Maqol

Holva yasamoqqa shakar kerakdir. Bezak ishlamoqqa zargar kerakdir. — Yo, Mirzo

2. koʻchma Shirin, mazali, totli.

Shakar qovun.

3. koʻchma Kishiga yoqadigan, yoqimli.

Tili shakar qiz.

Topolmayin yurur yorning oʻzini, Toʻtiyo qiladi shakar soʻzini. — Shirin bilan Shakar

4. Shakar (xotin-qizlar ismi).

  • Til uchida shakar bermoq 1. Tilidan soʻrdirmoq. Ketma, yorim, ketma, jonim berayin, Tilimni uchida shakar berayin. — QoʻshiqlarSohib qori, oʻz taʼbiri bilan aytganda, ilonga ham tilining uchida shakar beradigan kishi. — I. Rahim, Chin muhabbat
  • Tilingga shakar Yaxshi, yoqimli soʻz (gap) eshitganda aytiladigan ibora.
  • Shakar qop Mayin kanop matodan tikilgan kichikroq qop, lincha. [Qudratning] Boshida mogʻor, eski doʻppi, oldida shakar qopdan tikilgan fartuk badani qoʻlidagi temirday mustahkam. — M. Ismoiliy, Fargʻona tong otguncha
  • Shakari ogʻzingizda Savdo munosabatida: sotuvchining mol bahosini aytib, xaridorga xitoban soʻrang, sizga qancha boʻlsa boʻladi mazmu-nida aytadigan iborasi.
Toʻliq maqola →
shakarob

ot shv. Achchiq-chuchuk.

Shakarobga tuz sepmoq.

— Kelin, pomidor olib chiqing, bekor oʻtirmay, shakarob qila turaman, — dedi usta. — T. Alimov, Odamsiz uylar

Sadbarxon boʻlsa, shakarobga piyoz toʻgʻrayotgan edi. — S. Zunnunova, Goʻdak hidi

  • Shakarob soya Daraxt barglari oralab tushgan parcha-parcha soya. Tollardan toʻkilgan shakarob soya Durra ham boʻlolmas uylar tomiga. — H. Sharipov
  • Shakarob qilib suv sepmoq Chelakdagi suvni qoʻl bilan sachra-tib sepmoq. Jikkakkina samovarchi, kechki choyxoʻrlarni kutib olish uchun, paqirdagi suvni ayaganday, chimdim-chimdim shakarob qilib, soʻrilar yoniga sepmoqda. — A. Muxtor, Opa-singillar
Toʻliq maqola →
shakarpaz

ot Pashmak, holva, obaki, novvot kabi milliy shirinliklar pishiruvchi mutaxassis; qandolatchi.

— Bobomurod shakarpaz — qoʻli gul odam. Joying jannatda boʻlgur, bultur qazo qildi, — pochcha qoʻl ochib, shakarpazning arvohiga fotiha oʻqidi. — S. Anorboyev, Mehr

Toʻliq maqola →

Hammasini koʻrish · 15 →

Taʼriflar ichida

3 ta
fruktoza

fruktoza Meva va asalda koʻp miqdorda uchraydigan shirin taʼmli, rangsiz kristall modda, meva shakari. Asal glyukoza, fruktoza, saxaroza va mineral moddalardan tashkil to

glyukoza

glyukoza Hoʻl mevalarda boʻladigan, tibbiyotda va qandolatchilikda keng qoʻllanadigan shirin modda, uglevod; uzum shakari. Asal glyukoza, fruktoza, saxaroza va mineral mo

shakar

shakar Lavlagi yoki shakarqamish oʻsimligidan sanoat yoʻli bilan olinadigan oq-sargʻish rangli qumsimon shirinlik. Shakar sepilgan qatlama. Shirin soʻz shakardan shirin.