Қидирув

сфт. Шабнам тушган; шабнам қўнган, шабнам билан қопланган.

Бир баҳорнинг шабнамли тонги эди, Япроқ йиғлоқ киприклардай намланган. — А. Умарий

от Баҳорда, ёзда кечаси ҳароратнинг пасайиши туфайли майда томчилар тарзида ерга инадиган ҳаводаги, атмосферадаги буғ, намлик; ҳаводан инган мусаффо томчи; шудринг.

— Қудуқлар-да сув камайиб қолганда, қўйларга тонг шабнами қўнган гиёҳ шимитиб ҳам олиб юрдим, — деди Чатоқбобо. — С. Нуров, Дурдона

Эрталабки шабнам қуёш иссиғида дарҳол кўтарилгандай, хафалик ҳам Ойқиз дилидан дарҳол кўтарилиб кетди. — Ш. Рашидов, Бўрондан кучли

Отам эккан чигитлар Бирдай текис унади, Шабнам эмган ғўзалар Нур қўйнида кулади. — З. Диёр

сфт. Шабнам тушмаган; шабнам қўнмаган.

Шабнамсиз тонг. Шабнамсиз қуруқ майсалар.

фл. Шабнам билан қопланмоқ, юзига шабнам тушмоқ.

Ёқут кўзли олтин узук билан порласа Келинчакнинг хиналанган нозик бармоғи, Чанқоқ-чанқоқ термилишлар — биринчи бўса Шабнамланса себарганинг тоза япроғи. — Ғ. Ғулом