Поиск

sft. Shabnam tushgan; shabnam qoʻngan, shabnam bilan qoplangan.

Bir bahorning shabnamli tongi edi, Yaproq yigʻloq kipriklarday namlangan. — A. Umariy

ot Bahorda, yozda kechasi haroratning pasayishi tufayli mayda tomchilar tarzida yerga inadigan havodagi, atmosferadagi bugʻ, namlik; havodan ingan musaffo tomchi; shudring.

— Quduqlar-da suv kamayib qolganda, qoʻylarga tong shabnami qoʻngan giyoh shimitib ham olib yurdim, — dedi Chatoqbobo. — S. Nurov, Durdona

Ertalabki shabnam quyosh issigʻida darhol koʻtarilganday, xafalik ham Oyqiz dilidan darhol koʻtarilib ketdi. — Sh. Rashidov, Boʻrondan kuchli

Otam ekkan chigitlar Birday tekis unadi, Shabnam emgan gʻoʻzalar Nur qoʻynida kuladi. — Z. Diyor

sft. Shabnam tushmagan; shabnam qoʻnmagan.

Shabnamsiz tong. Shabnamsiz quruq maysalar.

fl. Shabnam bilan qoplanmoq, yuziga shabnam tushmoq.

Yoqut koʻzli oltin uzuk bilan porlasa Kelinchakning xinalangan nozik barmogʻi, Chanqoq-chanqoq termilishlar — birinchi boʻsa Shabnamlansa sebarganing toza yaprogʻi. — Gʻ. Gʻulom