Поиск

sft. 1. Yogʻi, moyi koʻp; koʻp yogʻ, moy beradigan.

Seryogʻ goʻsht. Seryogʻ kunjut.

2. Juda koʻp yogʻ solingan; haddan tashqari yogʻli.

Seryogʻ osh. Seryogʻ manti.

Devzira guruch, ziravorlar hidi har yonga ufurgan, sergoʻsht-u seryogʻ osh keldiki, kimdir boyagi zavqli xitoblardan uyalgan boʻlib, sekin uh tortdi. M. M. — Doʻst, Lolazor

sft. Yogʻingarchilik koʻp boʻladigan, qor-yomgʻir koʻp yogʻadigan.

Seryogʻin kun.

Dehqon bahorga koʻz tikdi. Ammo koʻklam seryogʻin keldi. — S. Siyoyev, Avaz

Bahor kezi bu yerlar seryogʻin boʻladi, togʻ va qirlarga tushgan yomgʻir suvi jilgʻalarni toʻlgʻazib, shu qishloqqa tomon oqadi. — I. Rahim, Hayot buloqlari