Hayot Foundation лойиҳаси
Лойиҳа ҳақида
Ўз
Ўз

Қидирув

«сепма» бўйича 54 та натижа

Филтр
Бўлим
Луғатлар Эртаклар
Луғат тури
Изоҳли Таржима Терминологик Фразеологик
Тилдан
Ўзбекча Русча Инглизча Қорақалпоқча Франсузча Туркча
Тилга
Ўзбекча Русча Инглизча Қорақалпоқча Немисча Лотинча Қозоқча Туркманча Туркча

Луғат мақолалари

52 та
сепмоқ
Изоҳли луғат · яна 6 та луғатда

фл. 1. Сочмоқ, пуркамоқ, сачратмоқ (суюқликлар ҳақида).

Ҳар оқшом аяси ҳовлига кўлоблатиб сув сепарди. Кейин райҳон иси билан ўткир тупроқ ҳиди бутун ҳовлини тутиб кетарди. — Ў. Ҳошимов, Қалбингга қулоқ сол

Уста вишиллатиб атир сепгач, мижозининг юзини елпиб, сўнг артиб қўяди. — Э. Раимов, Ажаб қишлоқ

2. Бир текисда сочмоқ (кукун ҳолидаги нарсалар ҳақида).

Чучварага мурч сепмоқ. Гўштга туз сепмоқ.

Холниса ёзиқ хамирга бир оз урвоқ сепди-да, ўқлоғини айлантириб, яна ёйишда давом этди. — С. Нуров, Нарвон

Бу одам шошмасдан тухумни арчиди, ҳафсала билан туз сепиб, оғзига солди — А. Қаҳҳор, Асарлар

3. қ.х. Бир текисда тарқатиб сочмоқ; экмоқ (дон-дун, уруғ, ўғит ва шу кабилар ҳақида).

Меҳнат қилмай роҳат кўрмас, уруғ сепмай экин ўрмас. — Мақол

— Ҳой чол, манави ер ўлгур шундай ётмасин Озгина сабзи уруғи сепиб қўйсангиз-чи? — деди Тўхтабуви. — Э. Раимов, Ажаб қишлоқ

4. кўчма Тарқатмоқ, сочмоқ.

Ёғду сепмоқ.

Кечанинг олтин чечаклари оғочлар орасидан нур сепади. — Уйғун, Асарлар

Кенг, текис кўчага узоқдан чироқлар туман ичида хира, совуқ нур сепади. — Ойбек, Танланган асарлар

  • Сув сепгандай (ёки қуйгандай) Жим, жимжит. Ҳамма ёқ сув сепгандай.Сув сепгандай жимжит. Онда-сонда полиз атрофидан бедананинг ширали овози келади. — И. Раҳим, Чин муҳаббат
  • Сув сепмоқ 1. Юраги ўртанган ғамли, аламли кимсага бир оз таскин-тасалли бермоқ, дардини юмшатмоқ; совитмоқ. Гапга хотима бермай, бошқа тарафлардан ҳам камчиликлар топиб, асосли суратда қутидорнинг Отабекка томон ҳароратланаёзган юрагига сув сепмоқчи бўлди. — А. Қодирий, Ўтган кунларЖиринглаган телефон аланга ола бошлаган мунозара оловига сув сепди. — ГазетаданБиринчи муҳаббат алангасига сув сепган бебурд, ёлғончи қизни [Ҳайдар] шу тобда аччиқ, аламли сўзлар билан чақиб олгиси келарди. — С. Аҳмад, Ойдин кечалар
  • Ярасига туз сепмоқ Гап ёки хатти-ҳаракат билан дардини кучайтирмоқ. Болам, шу муштипар, шу бахциз онангнинг ярасига туз сепмасанг, юрак-бағрини қон қилмасанг, даданг келтирган хабарни айтаман. — Ойбек, Танланган асарлар
  • Уруғини сепмоқ Бирор жараённинг авж олиши, кенг ёйилиши учун ҳаракат қилмоқ. Яхшилик уруғини сепмоқ.Низомулмулук фитна уруғини узоқни мўлжаллаб, жуда махфий сепмоқда. — Ойбек, Навоий
  • Ўтга (ёки оловга) керосин сепмоқ Гап ёки бирор иш-ҳаракат билан кимсанинг аламига алам қўшмоқ; кайфиятини баттар бузмоқ. Қодирқул турқини бузмай, яна Ҳасан аканинг ўтига керосин сепди. — А. Муҳиддин, Инсон қалби оташ
Тўлиқ мақола →
сеп
Изоҳли луғат · яна 4 та луғатда

СЕП ' қизнинг келин бўлишида бериш учун йиғилган мол'. Келинни келганда кўр, с е п и н и ёйганда кўр (Мақол). Қадимги туркий тилда ҳам шундай маънони англатган бу от себ тарзида талаффуз қилин— ган, ўша даврлардаёқ б ундоши п ундошига алмашган (Девон, ИИ, 212): себ > сеп

кўчма Сеп ёймоқ (ёки ёзмоқ) 1) келиннинг молини ёйиб кўз-кўз қилмоқ, у билан келин тушадиган уйни безатмоқ; 2) чирой бермоқ, ясантирмоқ

Баҳорги боғларга сеп ёйиб кетган, Чўлларга чашмаю бинафша элтган — С. Зуннунова

Тўлиқ мақола →

Ҳаммасини кўриш · 52 →

Таърифлар ичида

1 та
сочма

сочма қ. х. Сочиб, сепиб экиладиган; сепма. Сочма экин. Сочма қилиб экмоқ. от Питра. Питрали ўқ билан отадиган милтиқ. Ботирали сочманинг тепкисини босиб, ҳар иккал

Эртаклар

1 та
Эркенжа
Халқ оғзаки ижоди

Уч ўғилли подшоҳнинг кенжа ўғли Эркенжа саргузаштлари ҳақидаги эртак. У турли қийинчиликларга дуч келади ва ҳайвонларнинг ёрдами билан уларни енгиб о